كله باسم الموضه !!

حد يفهمني هلا هاد اللي القرف اللي بيسموه ستايل واللي هو في البنطلون الساحل وبيكون يعني الي تحت البنطلون مبين يعني هذا منظر وكنت احكي لاختي عن هالقرف واختي تحكي اييييييييييه يرحم ايامك يا اختي والله انك دقه قديمه !!!
شو تحكي انا دقه قديمه هلا هاد ستايل بس لو تعرفوا انه الاصل في الستايل انه الناس اللي مش قادره تشتري بناطيل ولما يلاحظوا انه صغر بيصيروا ينزلوا فيه من شان ما ينفضحوا وهاد صار اسمه ستايل !!
وبلاش البنطول اللي مزع وبيروحوا يدفعوا حقه بلاوي وطبعا زوجي واحد منهم وبيحكولك ستايل طيب يا عمي روح جيب اي ماركه وشرطه وخلص بدل ما تدفع بلاوي !!
يعني هلا المبهدل اسمه ستايل والي المحترم بيحكيلك كلاسيك يا عمي خلينا محترمين حالنا وينحكى انه احنا كلاسيك او دقه قديمه احسن من انه اكون مشرمحه باسم الموضه
وكله كوم والالوان الغريبه الي تنحط على الشعر مثل الاحمر الفاقع اللي بتكون الوحده عامله فيه متل سيارة المطافي بس من دون زامور او اللون البنفسجي يعني يا عمي يس منروح عكس الطبيعه وكله اسمه ستايل
لا وكله بهون لما تشوف واحد عامل صاروخ في شعره وبتلاقي الكل بيطلع عليه وفي النهايه بيحكولك لازم تكون مرتاح في منظرك وتشعر في الامان الداخلي انك انت مقبول من نفسك ؟!!بلا شو يعني هلا لازم احط وشم او صاروخ او اخزق ذاني مليون فتحه من شان اكون قابله في حالي وبشكلي
مبررات وكلها فاضيه لانه عمره الانسان ما راح يقبل بحاله وبشكله وفي كل يوم راح يتفرج على حاله في المرايا رح يكتشف في حاله شي وعمرنا ما راح نخلص