الأحد، 9 أغسطس 2009

فستان سهره

الي فتره وانا في مود جاي ع بالي اعمل حفله بس مش عارفه شو المناسبه :(
مبارح كنت في المول وقاعده بتفرج على فساتين سهره واخذتني الجرأة اني اجرب وانا برضو مش عارفه ليش
كنت اطلع على الفساتين واحكي آه على ايام زمان لما كان الصيف يبلش وتبلش المناسبات والحفلات انا كنت اروح الحفله مش محبه بالناس اللي انا رايحه عليهم لانه لو اجت علي ما واحد منهم بيستاهل طبعا شيلوا صاحباتي من القائمه
انا حظي في الحفلات مش ولا بد باقصد الحفلات الخاصه فيني لازم يطلع شي ينكد علي يعني في حفلة التوجيهي كانت بنت خالتي السبب في تخريب فرحتي وكنت مطالبه على المسامحه لانه والدتي تحكي مش مستاهله والتخرج كانت خالتي اللي هي بنتها اللي خربت المناسبه الاولى وكنت مطالبه اني اسامح حتى اخلص من نك امي وانه انا مش لازم اكون حقوده على الناس !!
وفي زواجي كانت خالتي التانيه اللي ما صدقت اني ارتبطت من شب اصغر من زوج بنتها اللي اصغر مني ولهيك صارت تيجي تحكي يا خالتي ماكياجك عجك البدله اللي انت لابستيها مش حلوة وان كانت مديل السنه لا تآخذني يعني وانا كنت اسمع وانا ساكته لحديت ما حسيت حالي اني بدي افقع من هالخالات اللي عندي وكمان كنت مطالبه اني اسامح واطنش لانه هاي خالتي وعيب !!
وهيك كل حفلاتي الخاصه كان فيها عامل نكدي لكن الشي الحلو اللي كان فيها كانوا صاحباتي اللي شاركوني فرحتي ع الرغم من محاولات التنكيد اللي صارت
طبعا هلا امي اقتنعت انه مش مشان انا مش دبلوماسيه همه هيك لانهم همه عندهم شغلات خاصه فيهم بحبوا يعكننوا على امي وهذا بعد حفلات اختي واخوي وصارت تحكي الي يما معك حق بس بعد شو بعد خراب مالطا
وكنت في كل مناسبه احكي لاخواتي واخواني لا تفرحوا كتير لانه هناك ناس رح تيجي وتنكد وكان اخوي يحكي ولك مش مهم المهم انت انبسطي واضحكي ولا تسألي في حدا والسؤال اللي ضل محيرني يعني انت تيجي على حفله ومغلب حالك ولابس ومتشيك لايش تقعد تحكي انه هاد مش حلو وتنكد على اصحاب الحفله او انك تضرب بوز او انك نقعد تعيط لانه زوجها صايبته لفحة هوا وخايفه ليسلم جد لايش ؟
كمان شغله كانت تقهرني في الحفلات اللي كنا نعملها هو انه احنا ملزمين نطبخ لها الامه اللي جايي واحنا منحضر للحفله بيتصلوا في امي يحكوا احنا جايين من دون غدا انا كنت احكي لامي لعمرهم اتسمموا لعمرهم اصلا اجوا وبعدها امي بتبلش ولك انت تفهمي هذول زوار !! طيب زوار في اليوم العادي بس مش في الحفله مهمه رح يتسمموا كيك وامي تحكي سم اللي يهريكي بدك مليون سنه لتفهمي شو يعني قرايب هلا انا بعيده وهلا انا مشتاقه لحفله ولكن كل ما بتذكر هالقرف باحكي ول حفلة شو اللي بدياها لا اعمل حفله انا اكون المدعوة الوحيده فيها

هناك 4 تعليقات:

مياسي يقول...

لا تزكريني: مناسباتكم شكلها شبه مناسباتنا!! بضل أحكي لأمي: العرس مش بالحاره شكله العرس عنا احنا!!

nrjordan23 يقول...

lol u sound so fimiler ya sozan it''s like i know u bass mish akeed but any way post kter 7lo wakter mazboot .

Whisper يقول...

هدول العالم لازم تلاقيهم بكل عيله....بعيشو على سمّه بدن العالم :$

بتزكر يوم عرس اخوي ومع انو الكل بعرف ان في بوفيه عشا بالعرس,ماما اضطرت تطبخ للي اجو عنا من الصبح :(

ان شاء الله يجي يوم و نبطل نسأل بزعل فلان و عتب علتان و نعمل الاصول و بس

sozan يقول...

والله ياميسو شكلنا في الهوا سوا

اهلين نور والله يمكن بنعرف بعض مين عارف هاي دنيا وشكرا لحضورك :)
اهلين ويسبر سم اللي يهريهم ما انكدهم والله شكله موجودين في كل مكان الله يعين