الثلاثاء، 2 أغسطس، 2011

للمفاجيع فقط 2


مثل ما حكيت في تدويناتي السابقه من هواياتي التي ظهرت بعد الزواج هي الطبخ مش اي طبخ بل تجربة العديد من الطبخات من دول العالم او طبخات ناس جربتها وهالمره رح اشارككم المقادير ومن هلا صحتين وعافيه خاصه انه كله جديد وبيعتمد ع الطعم!
اول وصفه رح تكون باعرف انه البعض رح يستغربها لكن طعمها حلو وخاصه في اجواء الحر !
صلصة البطيخ
تتكون من بطيخ اذا كانت كبيره فانا بانصح ربع البطيخه واذا كان من البطيخ الصغير نصفها او 2 كوب من البطيخ المقطع صغير.
1 ملعقة كزبرة خضراء و1 ملعقه نعنع و2 ملعقه عصير ليمون اخضر وربع الكوب فليفله صفراء وكله يخلط مع بعضه ويقدم اما مع شيبس او قطع خبز محمره في الفرن


هاد الطبق من المفروض يكون احد الاطباق الجانبيه مع اكلة صينيه او يابانيه !
يتكون من ربع اناناسه وربع كوب فليفله حمرا و2 ملعقة طعام سكر بني و2 ملعقة طعام Chives وهو ورق  الثوم و2 ملعقة طعام عصير الليمون الاخضر وزي ما انتوا شايفين يتم تقديمه مع شيبس




هاد الطبق الاخير من محبي الاطباق الحارة باهديهم هالطبق بيتكون من صدور دجاج 2 ونصف بصله حمراء مقطعه شرايح و2 حبة مانجو و1 ملعقه طعام من صوص بيحكولها Jerk Sauce  طبعا هاي الصوص حاره جدا بيستخدموها اهل جامايكا خاصه في شوي الدجاج الها نكهه خاصه وضعت رابط الكم عن كيفية صنعها ان لم تستطع شراءها مثلي ! و 2 ملعقة طعام Sweet Chili Sauce هاي طريقة صنعها 1 ملعقه طعام  شطه ونصف ملعقه طعام   ليمون ونصف ملعقة طعام  سكر بني ونصف ملعقة طعام  خل يخلطوا مع بعض
طريقه العمل
يتم وضع Jerk Sauce على صدور الدجاج وتركها لفترة ساعه ومن ثم وضعها في الفرن حتى تتحمر
بعد طبخ الدجاج يتم تقطيعه الى شرائح تضاف الى شرائح المانجا والبصل وتخلط جيدا ومن ثم يتم وضع Sweet Chili Sauce وطريقة التقديم اذا حبيتوا تتفننوا حطوا ورق خس في الصحن قبل ما تسكبوه وبعدها تسكب عليه واسم هذا الطبق يأتي من مكوناته Mango jerk chicken
وهيك صحتين وعافيه وخبروني اذا جربتوا اي من الوصفات عن رأيكم فيها ! 

هناك 12 تعليقًا:

Haitham هيثم Al-Sheeshany الشيشاني يقول...

أول مفجوع هيو إجا و صدقيني كثيرون سيأتون
لوول

تانشوف آلاء بتوافق تعمللنا... :)

sozan يقول...

اهلين بالمفجوع الاول :)
هلا ليه ما انت مثلا تعمل مفاجأة الها وتعمل شي جديد للافطار مثلا !

Atlalloly يقول...

هههههههههه المشكلة اننا قبل الافطار نكون معتقدين هنننا راح ناكل الاكل كله ووقت الافطار بنشبع من اول لقمه <هاد حالي دائما اعمل مقلب في ماما اطبخي واطبخي ومابكل شي بالنهايه

بس فعلا وصفاتك مميزة وغريبه ولاحظة انك تعتمدي علي مزيج بين الحلو والمالح فبيعطي نكهات متشعبه ومميزة

شكرا عزيزتي ومستنين وصفات جديده عن قريب

كل عام وانتي بخير ^_^

زينة زيدان يقول...

أكلات كتير طيبين
راح بعملهم بكرة
وادا ما طلعوا زاكيين

التكاليف عليك

كريمة سندي يقول...

أكلات خطيرة جدا .. ومدمرة لغير المفاجيع ..

سلمت الأنامل عجبني الطبق الأخير جدا

Haitham هيثم Al-Sheeshany الشيشاني يقول...

أنا! سي السيد ، هيثم شبه العظيم .. أطبخ
لااااااااااااااااااااا

أنا باكل و بس ، خخخ
صدقيني هيك أفضل! بخرّب الطبخة بعدين

sozan يقول...

أهلين أطلال :)
هي هاي المشكلة والله عندي اكل بايت كتير من هالمشكله !
العفو :)
وانت بالف خير

sozan يقول...

أهلين زينة :)
اعمليهم وخبريني شو رأيك فيهم

sozan يقول...

أهلين عزيزتي كريمة :)
الله يسلم ايديكي يا رب

sozan يقول...

هيثم وسي السيد ما تركب وبعدين كل شي واضح يا ابني شو انت بدك تخترع ذرة !!!

Rain يقول...

sounds interesting!I wanna try it

sozan يقول...

Hi Rain :)
Try them and let me know:)