نفسي افهم الناس الها من عشرين سنه واكثر في هالبلد لساتهم بيتعاملوا مع الدنيا زي كانهم لساتهم بيرعوا غنم صعبه يعني انه تعلن على الويب سايت تبعتكم متى رمضان ومن الصعب انكم تتفقوا مع المساجد الموجوده في الولايه لا وبعدين اللي بيضحك انه في مساجد فيها اكثريه هنديه وباكستانيه هذول الهم طريقه والناس اللي فيها اكثريه عربيه الهم طريقه يعني السنه اللي فاتت في ناس احتفلت في العيد قبل ناس تانيه على الرغم انهم ما بيبعدوا عن بعض مسافه كبيره يمكن 30 دقيقه في السياره والسبب انه في ناس تتبع الحسوبات الفلكيه وناس بدها تشوف القمر يعني من الآخر اذا على ابسط الامور يا ناس مش متفقين بالكم في يوم بيتفقوا في شغلات تانيه واكبر
عن جد بدهم المسلمين اللي هون بدهم دفشه ليتعلموا ودفشه ليفهموا ودفشه ليتحدوا
كل عام وانت بخير لكل اللي رح يصوموا بكره او اليوم اللي بعده لكن انالهلا مش عارفه متى رمضان !!!!!
هناك 4 تعليقات:
كل رمضان وانتي رائعة سوزان , مبارك علينا الشهر الفضيل , وربي يقدرنا على صيامه
فكرك رح يجي يوم ويكون الهلال عنا كلنا نفسه ؟!!
انا مش فاهمة لحد هلأ, هي شغلة فرض رأي وجكر صارت متل كأنه
المجموعة الاول :(انو حنا عنا بكرا رمضان),
المجموعة التانية:(احنا لسا القمر عنا ما بان بدكو صومو صومو بس نحنا مش بكرا صيامنا)
كل رمضان وانت بالف خير
وتقبل الله طاعاتنا وطاعاتكم
هاي مشكله منتشره و بتنعاد كل سنه و بكل البلدان للاسف
الله يهدينا و يهديهم
sozan, ramadan karim w inchallah byn3ad 3laiki ya rab.
ana b3rf ino kel el mslmeen wen ma kano ykono bysmo m3 b3d fi ramadan, ana daymn bsoom m3 el so3deeh :)
arab el USA '3arebeen be hl osas 3njd by2haro bdhom rafshi mo dafshi :P LoooL
w ramadan inchallah saturday =)
dunno Y i cant add my comment easy!!
صحيح انه الوحدة شيء جميل , لكن القمر ما ببين عند كل بلدان العالم , ولهيك في اختلاف
مع انه في حديث شريف , بس انا مو حافظه حرفي , لكن بقول بما معناه , انه صوموا وافطروا مع اخوانكم
يعني مرات بالاردن ما ببين القمر , بس بالسعودية ببين
لهيك منصوم ع صيامهم ومنفطر معهم
وانا معك , بانه المناطق القريبة من بعض لازم تتفق وتصوم وتفطر مع بعض
يعني مش معقول القمر يبين بمنطقة وما يبين بمنطقة بتبعد نص ساعة بالسيارة عن المنطقة الاولى !!!
تقبلي مروري
ورمضان كريم
إرسال تعليق