الأحد، 18 أكتوبر، 2009

افكار متناثره !!

عن جد خلص بكفي وافهم !! اليوم كانت هاي الصرخات اللي صرختها يعني لبعدين لهالمتخلف يضل كل ما تحرك ابني في البيت يصير متل المجنون يضرب السقف لدرجه انه ارعب الولد لمتى يعني !!!
تعبت نفسيا من هالبيت وانا تمنيت اليوم انه هو يضرب السقف انه يوقع على راسه ويصير شهيد السقف الله ياخذه ولا يرده من فتره كنت قاعده بحط الغسيل في الغساله وركض ابني للحمام وصار يطبل اجيت على ابني وطلعت فيه الولد ع طول حكي Mom I did not do anything I just went to the bathroom, لما شفت النظره في عين ابني حكيتله لا تهتم ماما خلي يطبل شو يعني ؟!! اجا عندي وحكي في نظرة حزن في عينيه الدائريتين متل الليل.... Mom I hate this place !!Don't play... Don't jump and then our neighbour bang bang
صفنت فتره في ابني حكيتله معلش ماما بدنا نتحمل شوي ان شاء الله المره الجايي رح نسكن في مكان ما في واحد متل هالجار !! ابني حكى ok mom في ابتسامه الله لا يحرمني منها
بس بالكم رح اتحمل لحد ما العقد يخلص انا تعبت عن جد !!
كل ما افكر في اشياء كتيره تحصل باحكي اكيد الها حكمه يمكن لاخفف من وقعها علي وتأثيرها على مزاجي اللي اصلا مش متحمل
كل ما افكر في انه طولت غيبتي عن اهلي واشتقت اشي ييصير بيخليني احمد رب العالمين اني مو عندهم لاني مش عارفه شو كنت رح اعمل !!
وكل ما العن اليوم اللي فيه تزوجت وهاد الشي بيصير معي بشكل يومي بيصير اشي يذكرني انه الحمدلله انه تزوجت ولا عشت تحت جميلة فلان او علان او تحت امرة حدا من اهلي !!
كتير باتخيل حالي انفجرت في وجه زوجي وحكيتله هي هي هي انتبه شو بتعمل !! بس مبارح صارت طلعت كل ما كان عندي من غضب وحسيت براحه لما حكيت وهو حاول انه يصحح الخطا كعادته بس يا ترى متى يا زوجي رح تحس !!
الي فتره عم دور على شغل وعم حاول اكتب الresume والله يخلف على تعليمنا اللي ما بيعلمك وما بيأهلك لمراحل متقدمه ويخلف على ما يكروسوفت اللي حاطه نماذج اللي سهلة علي الطريقه بس والله من فتره وانا بفكر انه احنا في بلادنا الوحده بتخلف عشرين لكن عمري ما شفت ام قاعده مع اولادها تعلمهم ودرسهم وتحسن من مستواهم وتصحح في سلوكهم باسلوب علمي حضاري مش باسلوب الشباشب المتطايره ارض جو !
انا هون مش لاقيه وقت اقعد فيه وارتاح الا لما يروحوا يناموا يعني دائما قراءة كتب واشغال وقتهم في امور تساعدهم في حياتهم واحيانا باسمح الهم يشوفوا كرتون منتقى لكن عمري ما شفت ام عربيه في بلادنا تصرف من وقت الزيارات والفر والكر والنم والذم احنا حتى تشوف اولادها ع شو تتفرج !!
انا هلا تعلمت انه الطفل مش صحي اله يشوف افلام عنف وضرب اما احنا لما كنا صغار كنا نتفرج على جونكر وغرين دايزر واوسكار وسو زوكي كلها كرتون عنف ويمكن لهيك انه معظم اطفالنا اللي بعد هيك بيصيروا شباب بيلجأوا الى العنف كوسيله لحل المشاكل اللي بيواجهوها يعني عنف في البيت من خلال اذا حكى كلمه خماسي على وجهه هيك تربيه واذا قعد على التلفزيون ضرب وطخ والعاب الكمبيوتر اللي بيلعبوها كلها طخ وقتل وفي المدارس حدث بلا حرج وفي النهايه ما بدنا نسمع ما بين الوقت والثاني معركه حاميه الوطيس بين العشاير سببها العنف االفكري المنتشر
وشي تاني اليوم حسيته غبي يعني كنت اسمع لمغني اردني والله نسيت اسمه المهم المغني شكله حلو وفي الكومنت يعني وحده من هالمتخلفين المنتشرين في بلادنا يي هاد حلو هاد فلسطيني اكيد يا اختي في احلى من الفلسطينيه !! طبعا انا فتحت عيني على التعليق وحكيت سبحان الله بيحكوا عن التطور والكلام هو هو ما تغير لهلا عنا!!
هالصورة من الحكي المتخلف واحنا اكثر دوله فيها نسبه ناس متعلمين طيب لو كنا اميين شو صار فينا!! لمتى رح نضل هيك نحكي طيب ما هو في الاردن وانا باحكي من خلال ما شفت في الفتره اللي تخالطت فيها مع ناس من مختلف المحافظات شفت فيها من الجمال ما يجعلني اقول سبحان رب العزه ما اروعك احسنت الخلق فاحسن الخلق والناس لا هم فلسطينيين ولا شي كل اللي بدي احكي انه الحكي اللي متل هيك حكي تخلف وهاد اللي بيخلق الثغرات خلينا مره ننظر لبعض انه تربينا في بلد وحده واخذنا فرصتنا من دون تمييز اردني وفلسطيني ارمني وشركسي وغيره

هناك تعليقان (2):

nrjordan23 يقول...

mar7ba sozan ,wallah kol kalamk mazboot 100% f3aln alomfee halbalad bet3amlalmst7eelmashan awladha ya3nee t2reban ma5deen kool wa2tna , wa mashan moshkalt jarkoom hada fa 5abroo al officeyalee intoo 3aisheen feh ya7toloo 7ad ala mafee 7al oh ar7loo benfess almkaman bass asknoo ardee oh 7ta makan tanee kolian aza besm7 al7al , wana bans7ak ink tr7lee wa tjee hoon 3ana lol makan kter 7loo wa feh nasbet 3arb ktera makan asmhoo university town houses makan kter 7aloo az ama bt3rfee i think fe aloo web site momken tzoreh inshallah hada befedak , 3alalkoln twale ebalak kolshee behoon . salam noor

Whisper يقول...

الله يعينك على هالجار
ابشع اشي تكوني مش مرتاحه وما بتعرفي تتصرفي براحتك جوا بيتك :$

طنشيه هيك احسن اشي ومصيره يزهق و يكنّ

بشوف مرةاخوي و ببنت وحده عمرها 10 شهور بتدوب دوب وهي بتلحقها و بتهتم بامورها, بتحكي ان كل اشي بحياتها سرقه بتعمله ان كان اشي خاص فيها او بالبيت
الله يعينكم, ان شاء الله بكبرو وبكونو قرّه اعين الكم و يجعلهم من الصالحين يا رب :)