الثلاثاء، 15 يونيو، 2010

سؤال ورطه!!

وقفت امام السؤال بحيرة لم اعرف ما اجاوب طفلتي الصغيره كان هناك نقاش حامي الوطيس بينها واخيها ولم اكن لافهم التماتم التي كانت تجري او الاصح انني لم اعر النقاش انتباها !!
كان نقاشهم ان النساء يستطعن الزواج من بعضهن وجاءتني لولو تقول ان المراة تستطيع الزواج من امرأة نظرت اليها ولم اكن لاتوقع هذا النوع من الاسئله التي جعلتني مغيبه لفتره !!
قلت لها من اين لك بهذه الفكره قالت وببراءة صوتها تعلو الاجابه وباصرار صديقتي جوليا !!بالطبع جوليا تبلغ من العمر 13 تعرفت عليها طفلتي من خلال معلمتها لانها الابنه المتبناه للمعلمه !!
حينها عدت قليلا لما لاحظته على الفتاة ولم اكن اعر له انتباها انها كانت تتصرف قليلا بطريقه صبيانيه ولم اكن اراها ترتدي فستانا او تنورة كل ملابسها اما بنطالا ام شورتا !!
في خلال جولتي الصغيره لاعرف الهويه الجنسيه للفتاة والامر الذي جعلني اصارع فيه اعتقاداتي وايماني وكل ما فيه من تحفظ ولجرأة طفلتي لتسأل وعودتي الى طفولتي وكيف انني ان كنت ذكرت الزواج كانت امي ترمقني بنظره كما لو انني ارتكبت اثما وكانت كلها محاولات لافهم العلاقه والآن اصادف السؤال لكنه في هيئه مختلفه !!
لم اكن اريد ان تكون الاجابه شاده وحاده لانني لا اريدها ان تذهب الى معلمتها وتقول لها شيئا يسبب نوعا من الحساسيه في التعامل!!
قلت لها في هذه البلاد البعض يجيزه والبعض لا !!سكتت وقالت لماذا قلت لها لان البعض بعتبره اثما والبعض يعتبره حريه !!كنت اطلب من الله لا تسألني ما اعتقده والحمدلله لم تسأل!!
حينما جاء والدها في المساء وبحكم انه مولود في هذا المجتمع قد يعلم كيفيه التعامل مع هذه الحاله !!قال قولي لها انه حرام وهذا لكوننا مسلمين قلت له ولكنها هل ستفهم ما معنى الكلمه اذكر اننا لم نسمع الحرام والحلال حتى سن العاشره وكان كل ما يقال لنا هاد بوديك للنار لان المفهموم حرام وحلال لم يكن واضحا !!
قال فقط قولي لها نحن مسلمين ولكوننا مسلمين فهذا النوع من العلاقه غير مسموح به فجلست معها وتحدثت معها في الموضوع كانت الصدمه لها انها كانت تنظر الى الفتاة على انها COOLلكنها الآن بتدو الفتاة لابنتي مختلفه في الآراء وحينما قلت ذلك لزوجي قال الآن ام لاحقا ستدرك ان هناك اختلافات بينها وبين الكثير من الفتيات لذلك من الجيد ان تبدأ بادراك ذلك بدلا من ان تصدم به !!

هناك 13 تعليقًا:

jaraad يقول...

قد يكون زوجك على حق لأنه صار عنا في الجامعه مشكله عويصه بهذا الموضوع. كنت بدي أكتب عنها بس بده وقت. أكتشفت انه بعض المسلمين المولودين في امريكا بينظروا لهذا الأمر انه عادي جدا ومقبول. بعضهم حكالي انه التوجهات الجنسيه للشخص هي شيء بيولوجي ومش بإيدهم. قلت انه قد يكون زوجك على حق لأنه الأطفال في البلد هاي لازم يتعلموا دينا من الصغر وإلا بصير كل شيء عادي بالنسبه الهم. الله يكون في عون العائلات المسلمه اللي مقيمين في بلاد غير اسلاميه.

Qwaider قويدر يقول...

من اجمل الأشياء في مجتمعات الحرية و الديمقراطية، تقبّل الآخرين.
المسحيين في امريكا يعارضون زواج المثليين و بدون اي استحياء او اعتذار، فهذا شيء يؤمنون به. و المسلمون و غيرهم كثير من شؤونهم تقبّل او رفض اي شيء، و من حقوقهم تربية ابنائهم بالطريقة التي يرونها مناسبة
فلا تقلقي بشأن المدرسة او ما قد يقوله المجتمع، فهناك الكثير من العائلات المحافظة التي لا تتقبّل هذا النوع من العلاقات. و على المجتمع تقبّلهم و ليس العكس!

Jarat يقول...
أزال المؤلف هذا التعليق.
Whisper يقول...

انا زوجة اخوي بلغارية و اسلمت قبل الزواج والحمد لله, لما اجو عنّا قبل كم شهر خضت انا واياها اشي زي هالموضوع, حكتلي قصه دارت بينها وبين اخوي ونتيجتها انها مستغربه ليش اخوي عصب لما حكتله انه لا سمح الله لو طلع ابنهم هيك انهم المفروض يتقبلوه, طبعا اخوي انجن والله يسامحه ما فهمها الموضوع بنقاش عقلاني :$

حكيتلها انه في ناس بس ميول مش مرض وحتى المرضى هاد ابتلاء والمفروض يصبرو, وانه في اشياء بتيجي من الفراغ وتجربة المجهول و المفروض من البداية العائلة بالتربية و الدين يوجهو الاطفال ...نهينا النقاش عاساس انها اقتنعت و لكني حسيتها ما اقتنعت :$
اول مرة بحس بالفرق بطريقة تفكيرنا:$

Jarat يقول...

في مجتمعات الغرب كل دوله بتتبع نطامها في الحكم يعني الدين ما الو دخل اما الدول العربيه تتطبق الدين الاسلامي بالحكم ودينا الاسلامي حرم هادا النوع من العلاقات الغير مشرعه


لمن كنت بالمدرسه بدوله عربيه اذكر انو كانو في بنات بيعجبو ببعض كاعجاب الرجل بالمرأه للأسف انو هادي الفئه من البنات كانو ما بعانو نقص او زياده في الهرمونات وانما نقص بالمنزل حنان الام والاب والاخ والاخت كان مفقود لذالك كانو يلجؤو للحب الخاظئ _ على فكره هلق متجوزين وعندهم 5 و6 اطفال - والحمدالله ربنا هداهم

انا عايشه بدوله غربيه تقريبن الي 4 سنين اول الدنيا لمن كنت اشوف هادي الفئه من الناس وبشكل جدا كبير كنت استغرب انو بعترفو بمثليتهم بحريه كامله قدام الخلق من غير خوف .. والي شد انتباهي اكتر الاقليه منهم بتلاقي عندهم النقص بالهرمونات او الزياده لكن الاغلبيه كانت من الناس الي يفتقدو حنان العائله وبعيشو وحده قاتله وطبعن بعدهم عن الدين لانو مافي ولا ديانه بتحلل العلاقه بين المراه والمراه


المشكله ليست بالغرب وانما بالمنزل الي نشئ فيه الطفل :)

والحمدالله يا صديقتي انتي ام رائعه :) وحنانك بعبي بلد وين ما كنتي فمافي داعي للقلق الله ايخليلك طفلتك ويخلي حنانك الها :)

sozan يقول...

اهلين جاراد:)
من الممكن انه يكون معاه حق بس هاي طفله ولازم الحكي يكون معها بنوع من الدبلوماسيه لانه اللي بيسمعوه بيروحوا يحكوه والاجواء في آن آربر انه العالم بتحاول تتخطى كل الاختلافات وبتحاول تعيش مع بعض وممكن هون الحلاوة هي هالمجتمع لهيك لازم اكون حريصه على نوعية المعلومات اللي باعطيها لبنتي
اما انهم بينظروا للموضوع على انه موضوع عادي ممكن من الزاويه نفسها تخطي للاختلافات يعني انا كان في محرسة ابني عبوده عيله من امرأتين وكنت احاول اتعامل معهم عادي انهم جزء من المجتمع وما في اختلافات

sozan يقول...

اهلين قويدر
صحيح من اجمل الاشياء هي الحريه
انا ومتل ما حكيت لجراد وبكره لما بنتك ان شاء الله تكبر رح تشوف انه من واجبك انه تعلمها الحلال والحرام ولكن بطريقه ما يكون فيها نوع من التطرف ونوع من الانغلاق لهيك انا بدي بنتي تفهم انه مش معناته انهم لسابيان انهم سيئين

sozan يقول...

ما راح تقتنع لانها هي تحكي بالعلم وانت بتحكي بغيبيات وكمان هي عاشت في مجتمع متقبل للاختلافات احنا ما نتقبل الاختلافات لاعتقاداتنا الدينيه سواء مسلمين او مسيحيين لهيك رح يضل الاختلاف موجود وان شاء الله ما بيصير شي ليجيب الاختلافات على السطح
اهلين ويسبر:)

sozan يقول...

اهلين عزيزتي جارات :)
شكرا وان شاء الله الله يعطينا القوة لتربية الاطفال التربيه الصح
اما العلاقات هاي فهي موجوده في كل مكان!!
اما في المجتمعات الغربيه واضحه لانهم بيحاولوا يوصلوا للحاله الكامله للجتمع من خلال انه الكل يتقبل الكل وهاد الشي جيد لكن طالما الدين بيحرمها من الصعوبه انك تقبلها على نفسك الا انك وفي ظل مجتمع مثل المجتمع الامريكي مثلا اللي بيحاول يتقبلها بدك تتعامل معهم ومن دون اظهار للاختلافات

مياسي يقول...

الله يعينك موضوع صعب فعلا في ظل مجتمع مثل المجتمع الامريكي

اظن كلام زوجك فيه نوع من الصحه وكلامك انتي كمان

انو لازم تعرف وبنفس الوقت تعرف توصل فكرتها صح

لانو هاد مجتمع صعب تفرضي عليه اللي بدك ياه وماشي بطريقه مختلفه عنا

مشكله فعلا!! انو الواحد يربى في مجتمع غير اسلامي وبنفس الوقت حلو الواحد يكون فاهم

بتفهم معاناتك مش متعودين احنا على هيك!!

غير معرف يقول...

نصيحه لله .. خدي ولادك وارجعو عالبلد. انا الي صديق رجع اولاده على عمان لمدة 6 سنوات لحد ما تاكد من فهمهم للصح من الغلط وتعلمهم للغه العربيه.. وبعدين رجعهم على ميتشغان مشان يدرسو بالجامعه.

الي صديق تاني مصري رجعت بنتو الي عمرها 7 سنين عالبيت من المدرسه وبتحكيلو انها صار عندها بوي فرند !! لما حاول يفهمها الموضوع راحت حكت للمدرسه وطبعا المدرسه عملت قصه طويله عريضه خصوصا ان الولد هاد اسود ..

مستحيل الاولاد ينشاوو نشاه طبيعيه في هالبلد. صحيح ان الاهل بكونو مبسوطين ان ولادهم بيتكلمو انجليزي بس للاسف ومن خلال تجربتي الشخصيه 99% من الاهل بيندمو على ترباية اولادهم في هالبلد لان زي ما بتعرفي المدرسه والشارع والتلفزيون هم اللي بربو مش الاهل. يعني هلا ممكن لان بنتك -الله يخليلك اياها- صغيره تسمع كلامك ولكن بعد شوي رح يختلف الوضع

هلأ في ناس ممكن يحكو عني شرقي ومتخلف ومن هالكلام . بس في النهايه لا يصح الا الصحيح .. وزي ما حكيت نسبة 99% الموضوع بينتهي بضياع الاولاد ..

sozan يقول...

اهلين ميسو ان شاء الله بعينا في تربية الاولاد

sozan يقول...

اهلين غير معرف:)
اولا انا اولادي لا يحملون الجنسيه الاردنيه وطبعا ومثل ما بتعرف مازلنا نحرم المرأة من انها تمنح الجنسيه لاطفالها ومن اجل ذلك لا استطيع ان آخذ اولادي من بلدهم وانزلهم على عالم تاني وحياة تانيه واحرمهم من حقوقهم اللي بتوفرها بلدهم!!
الامر الثاني وهو الاهم على الاقل انا هون باحكي لبنتي لما تشوف وحده مش لابسه حجابها انه هاي مش مسلمه لكن عنا وفي بلادنا الصراع اكبر كمان انه احنا في مجتمعنا العربي بلشنا نسمع بالمثليين او الشاذين او او يعني المشكله وين ما كان موجوده ويمكن الشيء الجميل اللي احنا منحسه هون وممكن يكون اله سيئات كبيره انه تتقبل اللي امامك ومن دون اعتراضات وبتمنى انه نوصل لشي من هالقبيل لما الاصول كلها تتجمع تحت مسمى الاردن على اختلاف اصولهم