السبت، 23 يوليو، 2011

Art Fair here in Ann Arbor

رجل يقف كما لو انه تمثال طبعا بيغيروا حركاتهم بين الفترة والثانيه عندي مشكله في الكمبيوتر لتنزيل الفيديوهات بس احلها رح نزل فيديوهات

هذا التمثال ذكرني في حال العالم العربي الآن لو شاطرين فيكم تحزروا شو حامل ع ظهره ؟

هذول اشخاص بيحاولوا اجبار حاكم ولاية ميشيغان ان يستقيل من خلال جمع اكبر عدد ممكن من التوقيعات لاعادة الانتخاب حاكم ميشيغان ومثل ما انتوا شايفين العالم تضحك وما في مشاكل والكل حر في التعبير طول ما هو يحترم القانون

الاشخاص عم بيساعدوا بعض في تجميع التواقيع !
في صور ثانيه رح انزلها بس ازبط هالكمبيوتر المحترم !

هناك 8 تعليقات:

yosef يقول...

ابنتي الغالية سوزان
مساء الخير

بما انه رح ينكسر ظهره من الحمل اللي حامله
فاكيد حامل جزء بسيط من معاناتي

وانا بقول ليش صار لي يومين مرتاح شويّ

الله يرضى عليكِ ويسعدك

كريمة سندي يقول...

والله ما حزرت .. ربما يحمل هموم العالم العربي ههههههه

غاليتي لو تكرمتي أرجوا ترشيح تدويناتي في 100 تدوينة لزيادة الترشيح لو أمكن من طرفكم

http://karimasindi.blogspot.com/2011/07/blog-post_19.html

وشكرا

sozan يقول...

اهلين والدي العزيز يوسف :)
من الممكن يكون بيرمز لكل معاناة الانسان بشكل عام لكنه كان حامل على ظهره سمكة مشهورة في بحيرة ميشيغان والاهم من هذا لانها كبيرة تم اكلها من غيره حالها حال البلد اللي بيعاني من الفساد والمواطن لحاله حامل كل التعب والمسؤولية اتجاه بلاده
دمت بخير والدي العزيز:)

sozan يقول...

اهلين صديقتي كريمة :)
هو حامل لهم الانسان لانه لو دققت شوي بالصورة رح تشوفي انها سمكه والمؤسف انه هاي السمكه كل منها الكل الا الصياد حالها حال البلد اللي كل بياكل منها الا المواطن هو اللي بيخليها ماشيه !

UmmOmar يقول...

خليتيني اخلبط,, واعمل ردي بوست عندي
واع,, واع

كإنه حامل مكنسه العمو هاد

صباحك حلو يا حلوه

Whisper يقول...

بحب هالنشاطات هاي ولكن للاسف نادرا ما تحصل عنّا و اذا حصلت بتكون العالم فوق بعضها فما بتنبسطي

الحمد لله اللي قضيتو وقت حلو بغض النظر عن الشوبات و الرطوبات :)

مساكي فل و ياسمين

sozan يقول...

اهلين ام عمر :)
حامل مكنسه شو بكنس هو !! الله يخليلنا اياكي شو دمك عسل :)))
معلش خربطي شو ورانا احنا

sozan يقول...

اهلين ويسبر المشغولة دايما :)
والله الحمدلله انبسطنا
بدك الصحيح الناس كانوا فوق بعض الا انه الكل بيفتح الك مجال وبيتعامل معك بابتسامه على الرغم من الحر والرطوبه
صباحك ورد جوري احمر :)