الأربعاء، 10 يونيو 2009

سبع البرمبا

استغربت ردة فعلها ولكني وعما اعتقد فقدت الحس في العالم العربي الشرقي الذي مازال رافضا للتطور او التخلص من عادات وتقاليد تخلو من الانسانيه كنت اظنها اقوى من ان تنجرف وراء ما يقول الناس وان تتخذ موقفا حاسما اتجاه ما يحصل معها فان لم تجد ارضا قويه لتبدأ حياتها فانها ستغوص في مشاكل اكبر زوجها يطالب بان تضع نفسها مكانه ماذا ستفعل ان كانت امها امرأة تغار ولا تستوعب ان هناك فرق بين الزوجه والام

الا انني لا اتفق مع الموقف فالرجل له القدره على ان يضع حدا لاي كان كما ان المراة تستطيع ان تضع الحد لاهلها ان حاولوا التدخل لكن يقول دائما تحملي وانا اتعجب في مرحلة الخطوبه ويقول لها تحملي فكيف الحال مع الزواج سيقول لها كلي

كانت امي تسرد علي مشاكلها الجديده ولسان حالي يقول أليس هذا من تاجرتي فيه امه لا تملك اي نوع من الاحساس ففي كل مره اتصل هناك مشكله جديده قامت بها ويقوم ابنها بشلح ذبلته كما لو ان بنات الناس لعبه وكنت اقول لامي هذه رقم كم الذي يقوم بها ؟؟كانت امي تقول يعني انت هلا شو بدك منها تساوي ؟
قلت لها لو الحل بيدي روح دور على وحده غير اختي لانه الظاهر هي متزوجه العيله كلها مش متزوجته ولما بيصير مشكله ما بيقدر يوقف اي حد عند حده فخلص يا عمي اللي ما بيعرف يحافظ على مرته ما بيلزمه مره سكتت والدتي قليلا ولكني قلت لها انظري الى اخي كيف انه لا يسمح لاي منا وحتى انت او ابي ان تضحكي على حركه قامت بها خطيبته يوما أليس هذا الرجل الذي يجب ان يكون قالت نعم بس هاي امه قلت امه طيب وخواته والا هدول كمان ان غضبوا الله يغضب عليه يا امي هذا مش رجل الرجل مش هيئه ووزن الرجل تصرف وهذا لا يستطيع ان يحمي خطيبته
الا ان والدتي رفضت فكرة الانفصال بحجة انت بدك تشمتي العالم فينا حينها قلت لا يما يشمتوا بكره لما يصير عندها عر اولاد وتبطل تقدر تعمل اي شي مع سبع البرمبا

هناك 3 تعليقات:

Whisper يقول...

الله يعينها , ومبين كيف ممكن تكون حياتها اذا قررت انها تتابع الحياه مع هالشخص

انا برأيي اذا بتسمحيلي احكي
ان ربنا بحب اختك وببعتلها تنبيهات من هلأ علشان تنهي الموضوع, يعني برأيي انها تترك افضل ما تتورط اكتر

الله يهدّي بال الجميع

**مبروك التدوينه الجديده :)

vague.raz يقول...

مبروك المدونة الجديدة ...
كيفك ....؟؟
أنا مع همسه إنو هاي كلها إشارات من الله عشان أختك تعرف الشب منيح و تاخد قرار بتركه ....
شوفي إزا من أيام الخطبه و هيك مشاكل و أمه و خواته
بتدخلوا بكل شي و كل شوي و هو تارك الخاتم !! هاي مش عيشه .. شو لعبه الشغلة !!! هادا زواج ..مش هيك ..إزا هوة مش عارف يسكت أهله و إنو ما حدا إله دخل بينه و بين خطيبته إذن مع إحترامي هادا ما إله شخصية !!!! .. بعدين أنا مش مع رأي الوالدة إنو تشمتي الناس فينا إزا أختك تركت ,, مين الأهم شماته الناس و لا أختك ,... حياة الناس و لا حياه أختك ...
أنا برأيي أختك لازم تاخد قرار و تتركه...... تشتري نفسها و حياتها :) ,,, طولت بالرد بس لأنوا شي بيقهر .. الواحد بالزواج لازم يلاقي الإستقرار و الحنان و الحب مش المشاكل و وجع الراس و قالتلي و قولتلها .... ....
و السلام عليكم :)
vagueraz

sozan يقول...

اهلين همسه
الله يبارك فيكي رح احكي شو صار معها في تدوينه جديده

اهلين رزان
الله يبارك فيكي ومتل ما حكيت لهمسه رح اكتب تدوينه جديده عن هذا الموضوع