الاثنين، 22 يونيو 2009

نكته اسمها النواب !!

كنت اقرأ بالخبر واستعجب من سلبيتنا وعدم اكتراثهم واتساءل هل هناك حد لمطالباتهم الشخصيه كما لو انهم يعملون ليلا ونهارا الا انني وكعادتي احب قراءة التعليقات و كان هناك تعليقا اعتبرته معبرا ومضحكا وطبعا على حقوق النشر كان التعليق كالتالي كما ورد في المصدر
000 هذول نوابنا الكرام بطلعلهم كل شي00 واسمعو هالقصة00 والحقوق محفوظة للنشاش دوت كوم


طيارة وقعت فوق غابات الأمازون00 ماتو الركاب وضل منهم ثلاثة00 أمريكي وروسي وأردني00 مسكوهم قبيلة هنود حمر00 قالولهم بدنا نحطكم على الخازوق 00 بس كل واحد فيكم بسأل سؤال إذا عرفنا جوابه بنحط على الخازوق وإذا ما عرفنا بنخليه يروح00 إجا الأمريكي حكالهم مين كريستوفر كولومبس؟؟اجتمعو مع بعض وقالوله هذا اللي اكتشف أمريكا00 حطو الأمريكي على الخازوق00 إجا الروسي قالهم مين لينين؟؟ اجتمعو شوي وحكوله هذا مؤسس الشيوعية00 حطو الروسي على الخازوق00 إجو للأردني00 قالهم شو هو مجلس النواب الأردني 00اجتمعو وفكرو يوم يومين وما عرفو قالوله00 رح نطلق سراحك بس إحكيلنا شو هو مجلس النواب الأردني00 قالهم هذول جماعة زيكم 00 بجتمعو بجتمعو بعدين بطلعو بخوزقو العالم!!!!

اضحكني هذا التعليق الا انني شعرت كم اصبح هذا البرلمان عبئا زائد على المواطنين فهم لا يسعون لشيء لصالح المواطن الاردني في اي تصرف يقومون به وفي النهايه يريدون معاقبة من يقول لهم توقفوا بيعا بهذا الوطن وكفى استخداما لعبارات وطنيه تاره وعبارات شخصيه تاره اخرى وفعلا كما قال النشاش اتفق معه في كل ما قصده من هذه النكته


هناك تعليقان (2):

Whisper يقول...

هههههههه بس تعليق معبّر بصراحه

النواب بالزمنات كان الهدف الاساسي من وجودهم هو توصيل صوت المواطن اللي انتخبهم وتلبيه احتياجاته, بس شكلهم نسيو ليش همه موجودين بالمجلس اساسا, والتهو بالفلوس و الاعفاءات و الرواتب وال... وال... الله يعينهم مش ملحقين بصراحه

sozan يقول...

فعلا الله يكون في العون من وين لوين ليلحقوا