الجمعة، 21 مايو 2010

ما راح اعلق !!

لا عن جد زياده عن اللزوم اللي بيصير يا عمي والله غلطه والتوبه اذا بعيدها شو هالغبى اللي بيعاني منه الناس لا جد احنا عنا اختلالات عقليه واختلالات كبيره !!
يعني هو مقال عجبني للكاتب نادر على جريده الغد وحبيت اعلق فقط من اجل التشجيع الله يخرب بيتها من ساعه حطيت الايميل تبعي وعينكم ما تشوف الا الايميلات اللي بلشت ترف علي من المعجبين في تعليقي وانا والله ما كتبت شي يستاهل العمى شو هاد يعني جد والله لو شو ما كتبت ما بيوصلني 20 دعوة على الماسنجر وزيهم ايميلات رغبه في التعرف والمستقبل امامنا من شان نتعرف خلص التوبه يا عمي والله انا ما راح اكتب تعليق مره ثانيه اما تخلف !!!

هناك 4 تعليقات:

Rula A. يقول...

انتي متلي.. انا كتير بحب أقراء مقالات نادر رنتيسي.. مره قرأت إشي وحبيت أعلق.. بعتلو إيميل على الإيميل المكتوب باخر المقال.. وبعتلي رد كمان على تعليقي..
جد في ناس مرضه الله يكفينا شرهم..

sheeshany يقول...

ناس مريضة! و فاضية شغل، جد :(

Jarat يقول...

عن جد ناس مريضه وفاضيه شغل !! احسن اشي انك اتغيري ايميلك او تستني لفتره ببطلو يبعتوا

Whisper يقول...

ناس مريضه والحمد لله كتار بالبلد :)
انتي اعملي ايميل خاص للتعليقات احسنلك, لانه في اشياء ما بنفش قلبك الا بس تعلقي عليها :)