السبت، 4 يونيو 2011

African American Festival




بعيدا عن كل ما يحدث في العالم ومحاوله مني في التغيير والخروج من الاجواء التي تحيطني وتحيط الكثيرين مني ممن لا يجدون اجابات الى تساؤلاتهم المتعدده ذهبت اليوم الى African American Festival بس السنه المهرجان كان حجمه صغير بس في النهايه كان ممتع انك تطلع على المجوهرات والملابس والاقنعه المصنوعه من الخشب بالاضافه الى اكلهم وكان هناك مجموعه من المغنين يغنوا اغاني دينيه اعجبت بصوت المغني !

كان نفسي تبين الست اللي قاعده بترقص لانها كانت عامله على وجهها Face painting وكانت الرسمه حلوه كتير :)



وكانت هناك الكثير من الفعاليات الخاصه للاطفال الا ان الجو كان حار جدا مما جعل حركه المشي مستحيله نوعا ما !



طبعا الافندي اللي هون كنت موقفه بالدور لانه اولادي بدهم  Animal balloon وفجاة بحس بشي بطبطب على ظهري والدنيا حر لفيت وجهي بدي افش غلي طلع المحترم هاد اللي انت شافينه فقعدت اضحك :)


وهاد الفنان كان بيعمل حيوانات وورد للصغار من البالون طبعا كان كله ببلاش وكان يحاول يجمع تبرعات للمركز للبيشتغل معه !طرق حلوة للمشاركه في العمل الاجتماعي !



الدنيا حر كتير لهيك ما في اطفال عليها بس ابني ركض عليها من شان يلعب ما بيهموا حر برد المهم انه يحقق القفزه !



هون لولو لعبت اللعبه وطبعا في اكياس صغيره يتم رميها على العفاريت والعفريت الذي يتم اسقاطه يحسب نقطه وبعدها الطفل بيروح يختار هديته من صندوق كبير .

هاي احد الاسباب اللي بتخليني احب Ann Arbor مدينه صغيره فيها من كل الالوان والثقافات والكل بيتناغم مع بعض والاجمل الكل يقدر يعبر عن رأيه وطبعا هون ما راح تلاقي حدا يحكي انهم مندسين ولا راح تلاقي حدا يحكي هدول الهم اجنده ولا راح تلاقي يحكي انه مظهرهم غير حضاري !
متل ما انت شايفين الجماعه معترضين على السياسه الامريكيه الخارجيه والداخليه وبيعبروا عن رأيهم بكل حريه يا ترى متى رح نفهم شو يعني حرية التعبير عن الرأي !! العجوز الواقف كان حامل يافطه بتحكي Stop Bombing Libya

هناك 6 تعليقات:

Haitham هيثم Al-Sheeshany الشيشاني يقول...

شكلو ممتع :)
لولو + عبودة day-out
:D

sozan يقول...

أهلين هيثم هو كان ممتع بس الحر ما خلانا نستمتع كثير :(
They have have blast :)

كريمة سندي يقول...

المهم إنك غيرتي جو ..


وشفتي ناس جدد

خالص تقديري

sozan يقول...

أهلين عزيزتي كريمه:)
الحمدلله غيرنا جو وانبسطنا !

Whisper يقول...

شكلكم قضيتو يوم حلو كلياتكم

الواحد بحاجه لشي يغير نفسيته من فتره لفتره ويلا بفقع بالاخر :$

sozan يقول...

أهلين ويسبر:)
الحمدلله كان يوم حلو ومعاكي حق الواحد ان ما غير جو بافقع!