الاثنين، 27 يونيو 2011

للمفاجيع فقط :)

من الهوايات التي امارسها بعد الزواج هي الطبخ وهي من الهوايات التي اجدها وسيله جيده لي للتخلص من الضغوطات والتوقف عن التفكير بكل ما يدور من حولي سواء كان على المستوى الشخصي او المستوى العام !
منذ فتره قمت بدعوة عائله من الاصدقاء ولكون ميتشيغان مليئه بمطاعم عربيه قررت صنع اطباق ايرانيه ولكوني اذهلت نفسي وكيف ان الحضور اجمعوا ان الطعام كان له طعم خاص قررت مشاركته معكم خاصه المفاجيع مثلي!!!

هذا الطبق اسمه Khoresht Baamieh وهو مكون من دجاج وباميا ومن الممكن ان تضع بطاطا لكني لم اضع تخفيف من نسبة النشويات :) لولو حبت هذا الطبق اولا انه بالدجاج نوع اللحمه المفضل لديها والثانيه الباميا !من اسرار الطبخ الايراني استخدام دبس الرمان اللي بيعطي حموضه زاكيه للطبيخ انا احيانا باستخدمه للاكل العادي بيعطي لون وحموضه !

الطبق هذا يسمى ب Shirin Polow ويحتوي على ارز وقشر برتقال مقطع على شكل شرائح رقيقه وزبيب وDried Cranberries ولوز وكاشيو وزعفران وفلفل اسود !
طعمه زاكي كتير وفيه نكهه ورائحه حلوة كتير

السلطه كانت ما الها اصل ولا فصل مسكينه والله ! هلا انا حطيت فيها مانجو وجزر وبندورة وبقدونس وخيار وفليفله  وزيت زيتون وسماق وعلى فكره السماق يستخدم في الاكل الايراني كمان يلا طلعنا قرايب في الاكل :)وحطيت ليمون وملح كانت زاكيه !
هذا الطبق اسمه مش متذكره بالضبط شو اسمه بس هو من البطاطا Mustered seed والكركم ويتم قليهم وكمان كمون انا بتوقع انه هاد الصحن مش ايراني مش عارفه من وين جبته لكن كان طعمه زاكي وخلص بوقته !
والكل كان سؤالهم شو الفرق بين الطبخ الايراني والطبخ العربي وانا جاوبت بكل صراحه
انه الطبخ الايراني فيه نكهه خاصه لانه بيحتوي على كثير من الاعشاب اللي الها طعم جيد مثل Dill والنعنع والكزبره والبصل الاخضر اعذروني لغتي في الاعشاب مش عربيه !!! كمان انه الطبخ الايراني يحتاج الى وقوف في المطبخ لمده طويله !كما انه انا زهقت من الاكل العربي وبحب اجرب اكلات من مختلف البلدان ولهيك طبخت ايراني بهداك اليوم:)
للاسف في طبق رابع عملته لكن نسيت اخذ اله صورة واسمه Aab - gosht Bademjan هو عباره عن طبق رئيسي لكن انا عملته Dip وحطيت حواليه شيبس وهو بتكون من بطاطا وباذنجان مقلي ولحمه وSplit peas و بصل وفلفل اسود وكركم وطبعا لما كل شي يطبخ بيتم هرس كل المحتويات مع بعضها ومن المفروض انها تتاكل مع خبز!

هناك 24 تعليقًا:

Em Ommar يقول...

هاد إنتي متلي بتفشي غلك بالأكل

مانجو ع السلطه؟؟
أنا جربت أحط برتقال عصير وحب رمان,, بس مانجو
ناقص أحط باباياه

صيري إعمليلنا هيك قصص مع طريقه مفصله وإحنا منتعلم منك ببلاش

شكلهم زواكي,, فتحتي شهيتي ع الصبح
:(

yosef يقول...

صباح الخير

اول شي
يسلموا ايديكِ
وصحتين على قلبك وقلب العيلة والمعازيم

تاني شي
بما اني ممارس جيد وخبرة طويلة في اعداد الوجبات الغريبة هربا من الطبخ التقليدي بقدر اقولك انه شكلهم بشهي

دمتِ بخير

نيسآان يقول...

الله يعطيكِ العافيه...الشكل روعه...لكن الطعم على مسؤوليتك هههههههه

عجبتني فكرة الرز مع برش البرتقال....سأجربها برضو ع مسؤوليتك:))
و اخبرك بالنتائج

عجبتني جرأتك في تقديم اطباق جديده في العزايم.....مغامره لكن الحمدلله انها عجبتهم...وان شاء الله يكونوا قدروا تعبك ووقفتك في المطبخ ساعات...الله يعطيكِ العافيه كمان مره.

sheeshany يقول...

للمفاجيع يعني أنا لااااااااازم أقرأ :)

---
صفوية إنت! أيواااااااااااااا

خخخخخخخ

---

شكلو شهي و الله ، بطبعه و بشوف إذا آلاء بتعمللنا قبل ما تسافر :)

------
صححححححححححححححة و هنا

Unknown يقول...

يمي يمي
شكلو الاشياء زاكيه :)

كريمة سندي يقول...

يا سلام .. على الأكلات اللذيذة دي .. والله فتحتي شهيتنا تاني ما المفاجيع كتير في العالم مش بس في أمريكا شيكا بيكا

أرق التحايا لك صديقتي ودمت بصحة وعافية

Dr. N يقول...

Looks great, Teslam edayki :)

Whisper يقول...

انا قرأت مفاجيع اجيت على طول :)

ما شاء الله شكلهم بشهّي و لكن راح استثني الطبق الاول....مي نو لايك باميه :$

حبيت فكرة السلطه كتير :) ما جربت مانجو عالسلطه ....بركي جربتها اسمي ال بطبخ وانا اللي باكل فماااا في خوف من انتقاد :)

hana يقول...

الله يعطيكي العافية و صحة وعافية على قلبكم جميعا :) بس البوست بكون مفيد وللمفاجيع اذا اعطيتينا الوصفة!!!!
بدي اجرب السلطة بكره بما انو عنا مانجا هلأ :p

Saleh يقول...

الله يعطيكي العافية، بشكل عام الأكل الإيراني زاكي

sozan يقول...

أهلين ام عمر :)
المصيبة وزني بيزيد!!!!
جربي المانجو مع الساده خاصه الحامضه تعطي طعم زاكي !
ان شاء الله رح أحط وصفات الأكلات اللي كتبتها !
Welcome back we missed you!!

sozan يقول...

أهلين والدي الحبيب يوسف:)
الله يعافيك يا رب
خبير اكل ما شاء الله الله يسعدها ام عمر عندها زوج معدل ما شاء الله
وانت بالف خير !

sozan يقول...

أهلين نيسونه:)
الله يعافيكي وأكل الايراني بيشهي خاصه انه بتحس بالطعم الطبيعي للشي وبقليل من البهارات !
هلا برش البرتقال لازم تطبخيه لمده ٥ دقائق وبعدين بتصفي المي وبتردي تطبيخيه مع سكر حتى طعم المراره اللي فيه يروح !
والرز لازم يكون بسمتي تنقعيه لمدة ساعه وبعدها بتحطيه ع النار لما تشوفي الرز بلش يتحرك في المي شيليه وصفيه وبعدها اعملي الرز طبقات مع قشر البرتقال وحطيه شوية مي وخليه ع نار هادئه ولما الرز صار جاهز حطي
سخني حليب وبعد ما يغلي انبعث فيه زعفران ولما يصير الحليب اصفر رشيه ع الرز ع شكل إشارة ضرب !
وع ضمانتي هه رح يحبوه :)

sozan يقول...

أهلين هيثم :)
ع فكرة انا لما كتبت العنوان مش عارفه خطرت في بالي !
استنى خليني أحط الوصفات حتى لا تتغلب !
على قلبك يا رب!

sozan يقول...

هلا والله ميسو :)
والله انه زاكي لغلطي مرة وتعي هون ع امريكا والك صدر الدار واحلا اكل !

sozan يقول...

أهلين صديقتي كريمه:)
شو ما لكم الكل جاي جعان هون !
الله يخليكي يارب واسعد الله أيامك

sozan يقول...

أهلين ويسبر :) خلص يا عمري رح أحط الوصفه بس أستني علي شوي!

sozan يقول...

أهلين هنو:)
خلص اصبري شوي ورح أحط الوصفات للأطباق
وصحه وهنا مقدما !

sozan يقول...

أهلين صالح:)
صحيح خاصه المشاوي!
على قلبك

sozan يقول...

أهلين نيللي:)
وايديك يارب !

أمل م.أ يقول...

واوووووووووو سوزان
بجد شكلهم بشهي
رح روح بحبش بالنت على وصفات ايرانية بالتفصيل عشان اسويهم
بس خلص طراشة للبيت

ادعيلي الله يكون في عوني

sozan يقول...

أهلين اموله:)
الله يعينك ويساعدك يا رب !
رح احطهم ان شاء الله وما خليجي تبحبشي عزيزتي:)

هديل يقول...

ما شاء الله شكلهم حلوييييين و زاكييين
صحة و هنا ع قلبك .. عجبتني جرئتك في تجريب الأكلات الغريبة .. كمان أنا فتحتيلي نفسي و بدي أقوم أعمل نمنم :)

sozan يقول...

أهلين هديل :)
صحه وعافيه يا هديل. !