الأربعاء، 8 يونيو 2011

لولو والشورت

اليوم وانا ماشيه مع بنتي وعبوده في الحر لولو وقفت وبتحكي ماما صار لازم تجيبي شورت الي!!
انا فكرتها بتحكي ماما صار لازم تلبسي شورت! انا هون ما صدقت شو سمعت وحكيت انا البس شورت لا وبايشارب ما أحلامي يم اللول!
بنتي صفنت. وبعدين حكت Silly mom I did not say that! I said I want short
حكيت ست لولو انت شايفه الشورت لوين وكيف كل رجليكي بتبين وهاد عيب
لولو حكت ماما الدنيا حر وانا بحس بحر لما البس هاي البناطيل الطويله بدي اخفف من الملابس الدنيا حر!
هون حكيت بس تيجي من المدرسه ان شاء الله نحكي بموضوع الشورت! وراحت لولو على المدرسه وانا رايحه اجيب لولو وعبوده من المدرسه سمعت بنات من الثانويه بيحكوا مع بعض
الاولى why are you wearing pant,it's summer!
الثانيه what's wrong so what if it's summer!
الاولىthere is cloth for summer and pants for sure it's not one of them!
الثانيه
And who are you to dicide what is appropriate for summer!
الاولى I'm your friend and I care about your look
الثانيه I know you are my friend but what I wear it's my choice !
هلا بعد المحادثه الصغيره هاي عرفت لولو ليش طلبت تلبس شورت لانه ممكن صار معها مثل هاي البنت لكن الفرق انه هاي البنت اكبر من بنتي وعرفت كيف تجًاوب! وهلا صار لازم اعرف كيف افسر لبنتي انه إحنا ما نلبس شورتات الا في البيت وبغرفة نومها!

هناك 16 تعليقًا:

w7l يقول...

طمنينا شو بطلع معك ! لانه اعتقد راح تخسري المناقشة ببساطة ! :)

yosef يقول...

سوزان

صباح الخير

رغم عدم معرفتي بعمرها الا انني اعتقد انها طفلة صغيرة جداً...ممكن 6 سنوات اذا كانت هي الاكبر وبالتالي عبود 4 سنوات او العكس...

من الصعب ان تقنعيها لا في امريكا ولا في عمان الا اذا خضتِ حوار حول هويتنا وانتمائنا الديني معها واختلافنا عن الغرب كمجتمع .....
وهذا اعتقد انه صعب وتقديري يحتاج الى وقت وان تكون اكبر عمرا حتى يتسنى لها سهولة استيعاب ذلك

سوزان ...الله يرضى عليكِ
من تجربتي مع ابن وبنت اختي خلال اقامتهم في بريطانيا وبعيدا عن المجتمع العربي في بريطانيا لان زوج اختي لم يكن من اصول عربية او مسلمة بل كان انجليزي ووجودهم في مدارس لا يوجد بها عرب ولا مسلمين ....الاولاد عانوا الآمرين من الاختلاف الثقافي الحاد بين بيتهم ومجتمعهم المتمثل في مدرستهم واصدقائهم وكوني كنت قريب جدا منهم ومكثت عندهم فترات طويلة كنت الاقرب لهما من والديهما واستوعبت انه ليس من السهل ان تكون متوازنا في ثقافتيين متباعدتيين واحدة شرقية في البيت والاخرى غربية في المدرسة وهذا قد يؤدي الى مشاكل نفسية وخلل في فهم الامور ولا اخفي عليكِ ان البنت فد عانت ما عانت هناك ....بما فيها زيارة الطبيب النفسي...اما الولد فانا استضفته في عمان لسنين في فترة مراهقته حتى اكمل دراسته الثانوية مع اولادي وفي بيتي
طبعا كانوا اكبر من عبود ولولو

ما اردت قوله انه من المبكر جدا ان تقتنع هي باختلاف المفاهيم الدينية والثقافات ...حاولي ان تجعليها تلبس الشورت وان اختلف قليلا عما يلبسون وفي نفس الوقت حاولي ان تبدأي معها من الآن ادراك انها تنتمي الى مجتمع اخر يؤمن بان الله موجود وبان له رسول وكتاب علينا ان نتبع تعليماتهم حتى يرضوا عنا ويحبوننا وهذا مهم لانه مفتاح الحياة السعيدة لاحقا

بقي ان اقول انك لو كنت في عمان لما كان الوضع اسهل
بل على العكس تماما لوجدت الكل يقول لكِ حرام عليكِ خليها تستمتع في الصيف وتلبس شورت وبكرة لما تيجي على عمان ست لولو رح تشوف التناقض على اصوله ما بين ما كانت تحكيه لها امها وما بين الواقع الذي يعيشه مجتمع اقنعتها امها انها تنتمي اليه ويختلف بمفاهيمه عن الغرب

طولي بالك وشوي شوي لا تجعلي الفارق بينهم وبين المجتمع الذي يعيشون كبيرا ولا تصعبي عليهم معاناتهم ...الا تكفيهم الغربة

دمتِ بخير ابنتي والله يوفقك ويرضى عليكِ ويسعدك

نيسآان يقول...

بصراحه
معها حق!
بالنسبه لعمرها وللشوب ....
بالنسبه للشوب نحنا الكبار بنتمنى لو يصحلنا شورت:))
وبالنسبه لعمرها من حقها انها تلاقي منك حل منطقي وبنفس الوقت مريح لها.

هي وعم تكبر ح تعرف من طريقة لبسك انتي ايش المناسب لعاداتنا وديننا أوغير المناسب بالاضافه لاشرافك وتوجيهاتك.
لكن برضو الصراع مش ح يكون سهل عليكِ ولا عليها ....جزء كبير من احساس البنت بجمالها انها تكون زي صديقاتها او زميلاتها وحتى لو كانت هي مقتنعه بكلامك ح تواجه وقت صعب اذا حد انتقدها بلبسها او سألها عنه!

لكن في الوقت الحالي لازم تتوصلي معها لحل وسط....شورت للركبه مثلاً او فساتين صيفيه مريحه وطويله نوعا ما.

الله يعينكم على الغربه ومشاكلها.

غير معرف يقول...

هاها حلوة الفصة بس باسلوب حزين و هذا التأثير مصيبة خاصة بين البنات لأنه دائما في غيرة بين الصبايا

رانيا

http://jeeran.com/u/1763

كريمة سندي يقول...

ممكن تقولي لها أن لكل مجتمع أحكام وشريعة ودين وعادات وتقاليد تحكمه ووريها الفرق بيننا وبينهم وليه نحن مسلمين وهما لأ وهكذا

تحياتي

sozan يقول...

أهلين طبيبنا :) لولو بنوته تعرف اصول النقاش شكرًا لوالدها طبعا لهيك قررنا مبارك انه من الممكن انها تلبس كابري وهي وافقت :)

sozan يقول...

أهلين والدي يوسف :)
اولا لولو عمرها ٧ سنوات
ثانيا انا مش كثير بدقق على شغلة اللبس لكن بحب احكي معها عن شغلات خاصه في اللبس مش لأني بدي أعقدها لكن بدي أحضرها نفسيا للالتجاء الحجاب ان شاء الله لأني مش شخصيه تغصب أولادها ع شي لأني لأعرف انه الغصب بيخليهم يروحوا الى اتجاه معاكس اسأل مجرب:)
هاي مثلي تماماً أختك انا تزوجت من شاب مسلم امريكي!
الله ما يحرمنا من كتاباتك

sozan يقول...

أهلين نيسونه :)
والله باعرف انه معها!
لهيك قررنا انه نجيبلها كابري بس حطت big shopping list بعدها قررنا عمرنا ما نفتح المجال لمناقشه اي مشتريات لانه الست لولو طلعت بتابع فاشن وصار بدها نظاره وفليب فلاب وبلوزة وشنته صيفيه!

sozan يقول...

أهلين رانيا:)
هو فعلا قصص بضحك بتحزن لكن هاد جزء من الضريبه كام

sozan يقول...

أهلين صديقتي كريمه
هو الحمدلله لولو عندها فهم لنقطة الاختلاف الديني وانه إحنا في دينا في شغلات كتير مطلوبه مننا وهي تتقبل لكن كطفله ليضل في ميول للعب ومواكبة اللي حواليها ودائما إحنا منحاول نقدم بدائل حتى ما تشعر انها مقيده

Whisper يقول...

هالمشكله بواجهها كثير من المغتربين مع اولادهم في فتره معينه
واعتقد ان اسلوبك كتير حلو, لانه لتوصل لولو العمر المناسب للبس الحجاب بتكون تشربت و استوعبت الفكره و الفرق بين ثقافتها و ثقافة المجتمع اللي عايشه فيه

شطورة لولو و بتلعبها صح من هلأ...الله يعينكم عاللي جاي :)

ابراهيم رزق يقول...

الموضوع حساس جدا
قد نفرض التشدد كسلاح ضد المجتمع المفتوح هناك قد يأتى بنتيجة عكسية
يجب الاقناع بهدوء و بتدريج
خالص تحياتى

sheeshany يقول...

زي ما اتفضلوا الجميع، الموضوع صعب! لأنه البيئة + العمر ... النقاش يمكن بدو أكثر من جلسة بهيك أمور :))

و سعيد إنها تقبلت بسرعة :)

sozan يقول...

أهلين ويسبر:)
اعتقد انه مشكلة اللبس موجوده في كل مكان خاصه مع عمليه الانفتاح اللي إحنا فيها
يا رب الله يعين تربية الأولاد عمرها ما كانت سهله!

sozan يقول...

أهلين ابراهيم :)
طبعا التشدد قد يولد نتائج وخيمه الاهل في غنى عنها

sozan يقول...

أهلين هيثم :)
لولو طفله تفهمت بسرعه لأننا قمنا بتقديم بدائل ما حكينا لا وانتهى ! الحمدلله انها ئتقبلت الموضوع ورضيت بالبديل