الخميس، 23 يوليو، 2009

جاي ع بالي

اشياء جايي ع بالي
كنافه خشنه سخنه والجبنه تمط يم يم يم .......
اركب دراجه ناريه واسوقها بسرعه جنونيه وي وي وي ......
اروح على جزيره فشي فيها حدا بالمره واقعد يومين هناك .........
اروح على المول واتسوق من دون وعي للمبالغ المصروفه .........
اركب سياره كشف واسوقها جنب البحر ........
اتعلم السباحه واروح اسبح في البحر .......
اتعلم لغات مختلفه من شان احكي مع اصحابها واتعرف على ناس عمري ما شفتهم........
اسكر عيني وكل شي حولي يتغير بالطريقه اللي بدياها ....
اشوف اصحاب زمان وارجع متل زمان ...........
ارجع اسمع فيروز في باص الجامعه واسأل معقول في حب .....
ارجع العب مع اولاد الجيران واضربهم ويضربوني .......
ارجع احلم مثل زمان في مستقبل جاي وانا ملكته ........
ارجع لمضايقة اخواني الي اللي اشتقتلهم ولمضايقتهم ...
فيي ارجع متل زمان يا زمان ......

هناك 12 تعليقًا:

همسة يقول...

فيي ارجع متل زمان يا زمان ......

اوووه يا ريت ! ولو يوم
بس تطلعي عالجانب المشرق .. بالمستقبل بتصير هي الايام اللي احنا فيها .. زمان
فانو عيشي الحاضر بالطول وبالعرض
والله يجعل اللي جاي احلى من اللي راح
تحياتي الك

ملاحظة : شو مشان الكنافة s: وانا كمان بدي !

eNAS يقول...

ليستاا حلوة كتير :)

1."كنافه خشنه سخنه والجبنه تمط "
2.اسمع فيروز في باص الجامعه واسأل معقول في حب .....
3.احلم مثل زمان في مستقبل جاي وانا ملكته ........
4.لمضايقة اخواني الي اللي اشتقتلهم ولمضايقتهم ...
:) سوزان هدول الاربعة شغلات لساتني عم بعملهم, بس مو حاسة بطعمتهم, نبهتيني ارجع لهيك تفاصيل وانبسط فيها اكتر , يمكن كل زمن اله اشياءاته , وكل ما تقدما بالعمر بنضل نتذكر ايش كان يبسطنا زمان, وبنحاول نرجعه متل اول , بس يمكن لو يرجع او نعملة ما نلاقية بنفس الحلاوة ...
وباقي الليستا اكيد انا بضم صوتي لصوتك , وبحكيلك نفسي كمان اعملهم :)

مياسي يقول...

انا عجبتني تاعت السياره الكشف:) والسباحه كمان كلها حركات فياعه شكلو :)

Whisper يقول...

امنيات طفوله مع مراهقه مع شباب ...وبما انك شباب فلسا في وقت تعملي اشياء من الليست :)

السباحه بتجنن وخصوصا بالبحر, انا عملتها قبل اكم من شهر و جد انبسطت, فبتقدري تتعلمي وتسبحي :)

حاولي تعملي اي شي بتقدري عليه لانه زي ما حكت همسه هالايام بكره بتصير زمان :)

sozan يقول...

أهلين همسه
شو رايك نروح ع السهل الاخضر :)
كل ما كبرنا زادت المسؤوليات وقلة المتعه معاها لهيك نصيحه لكل الصبايا انبسطوا واستمتعوا بكل شي

sozan يقول...

اهلين ننوسه زمان عنك :)
فعلا كل فتره والها اللي بيحليها لكن ما في بعد المراهقه والشباب ولما تتزوجي بتصير متعه مزدوجه وما في شي خاص فيكي استمتعي فيهم قد ما تقدري لانه بكره الحياة تاخذ اشياؤ كثيره مقابل اشياء تانيه

sozan يقول...

اهلين ميسو :)
خلينا نفيع يا ميسو ونعيش هالحياة بس شو رايك تفيعي معي

sozan يقول...

اهلين ويسبر
السباحه من لما كنت صغيره نفسي اتعلمها لكن في العقليه اللي كانت سائده ما انسمحلنا لكن يمكن يصير في نصيب وتعلمها هون ما حدا بيعرف

jaraad يقول...

أعتقد أن كل منا يتمنى أن يعيش ماضيه مرة أخرى، الذكريات دائما شيئ جميل. البحر نعم البحر من أجمل مخلوقات الله.

jumana يقول...

بس هيدا يلي جاي عبالك : ) مو كتير سوووز..

لو كنتي التي كنافي ناعمه.. كان غير شكل.

حبيبي فيكي تعملي اشيا منون سو وات!!!!

sozan يقول...

اهلا jaraad
البحر من المخلوقات اللي اوجدها الله اللي فيها من القوة والسكينه معا
واهلا وسهلا فيك

sozan يقول...

اهلين جمانه
هيك شايفه بس والله انا شايفها شي منصف بس لو اعمل اشيا منهم
الكنافه مش مشكله انتي خذي الناعمه وانا باخذ الخشنه يم يم يم