الجمعة، 24 يوليو 2009

مسكر علينا



اليوم رحت ع المسجد انا وزوجي بالسياره وكان زوجي خايف انه ما يلاقي مصف امام المسجد او انه يتسكر عليه والحمدلله لاقينا مصف ضل الخوف من انه حد يسكر علينا وما نقدر انه نطلع ولما خلصنا صلاة كان انه الكل مسكر على الكل ولانه فيه ناس كتير فش وراها اشغال وبدها تسلم ع بعض وتسأل متى فلان بده يتزوج وين بدهم يتغدوواشياء ثانيه والناس اللي عندها اشغال مش مشكله اذا استنت ساعه او ساعتين شو يعني بدها تطير الدنيا !!
شو فيها لو صرنا شوي متحضرين وانه في يوم الجمعه ما حدا يسكر ع التاني وانه نروح نصف في الاماكن المخصصه النا وان كانت فيها مشي مده خمس دقايق فيها تنشيط للدورة الدمويه وتحريك لعضلات الرجلين
شي بيحير انه حتى واحنا في بلاد الغربه لساتنا زي ما احنا وما تغيرنا والغريب انه كانت خطبة الجمعه اليوم عن شهر شعبان وفضائله وانه الله سبحانه وتعالى في منتصف شعبان بيغفر لكل امته الا لنوعين اولهم المشرك والثاني المشاحن كمان الشيخ جزاه الله خير فسرها شو يعني مشاحن بس بالكم الجمعه الجاي ما راح نلاقي حدا مسكر ع التاني ومعطل اشغال التاني !!
الشي اللي حبيته في الخطبه اليوم انه الامام تحدث عن شهر شعبان اللي لازم نصومه اتباعا لسنة نبينا لكن الاهم كانت الرساله من خلال الخطبه وهي انه الكل يتقبل الاختلافات الموجوده المجتمع الاسلامي الامريكي وانه الكل يحاول يتعرف ع الكل ومن دون نظر الى العرق والاصل واللون والبلد واعطى وصف حلو كتير لها الاختلاف
الوصف كان عن اذا الانسان دخل حديقه وفيها نوع واحد من الزهور راح يملها وما راح يلفت انتباهه الزهر المغطيها لانه نوع واحد اما لما تدخل ع حديقه فيها اختلاف في الازهار والورود هذا الاختلاف بيخليها محط الانظار لانك ما راح تمل منها بسهوله وهيك حكى واجبنا احنا المسلمين نظهر نوع من الاتحاد والالفه وانه نتعامل بطريقه صح فيما بينا






هناك 6 تعليقات:

غير معرف يقول...

سوزان هيك شغلة من العادات والتقاليد .. يعني صارت متل ترايد مارك D:

اذا غيرناها فينا ببطلو الناس يعرفونا .. ولو حتى لو كنا بالغربة لازم نضل مميزين منان هيك ما بنحب نتخلى عن هالعادة

دايما بيجي بباللي نفس السؤال .. انو ليش العالم بتغلب حالها وبتحضر الخطب ما دام ما في تطبيق واقعي وتأثير قلبي الها

جد اشي بحير
S:

Dreamy Villager يقول...

أنا كثير مرات بتجنب أحكي عن تصرفات منعملها كمسلمين..يعني بحس اني بحكي عن اشي بخص الدين وبخاف أغلط..بس المصلحة العامة بتقتضي اني أحكي :)
اللي بحسه انه احنا منحكم على المجتمعات العملية (زي المجتمعات الغربية) بانها مجتمعات بدون قيم أو روابط..ومنربط بين "العملية" وبين "انحدار المجتمع"..فمنحاول اننا نبتعد عن مبادئهم وافكارهم منروح مبتعدين عن كل اشي سواء كويس أو لأ..وبعدين بيطلعوا ناس برأي انه شو فيها لو استنيتوا شوي وخليتوا العالم تتواصل مع بعض..أو حتى شايفين انكم لازم تستنوا علشان يجبروكوا تتواصلوا مع الغير.
حلوة الخطبة..بس عندي فضول..هو الخطيب بيحكي بالعربي ولا بالانجليزي ولا بيخلطهم مع بعض؟

sozan يقول...

اهلين ننوسه :)
عجبتني تراد مارك وحياتك غير ممنوحة الحقوق
بيحضروها لاسباب عده يعني باحكي من تجربتي مع الناس هون منهم بده يتعلم ومنهم لانها جزء من صلاة الجمعه

sozan يقول...

اهلين فيكي dreamy villager
هي هاي جزء من المشكله انه ما في اتصال مع العالم اللي حولهم لهيك المسلمين ما الهم تأثير في العالم الغربي على الرغم انهم متواجدين باعداد كويسه
الخطيب كان يحكي الخطبه بالعربي ويترجمها بالانجليزي وعلى فكره ترجته رائعه وكلماته يدل على ثقافه عاليه وهاد قليل وللاسف في الغرب

غير معرف يقول...

ya alla shu nfsi ro7 3l msjd :(

walahi w ana bs3odeh knt ro7 , bs hon lma knt ro7 knt ma aknon mrta7a,,
y3ni el wa7d bero7o 3shan yrta7 w ysali w yst'3rf rabo.w ystafeed. hon la2, kelo Gerrr Gerrr neswan ma by'7aloki tthani bshe :(

3la oset el parking,, had bs 3nd el 3arab :D hehehe 7ta hon 3nd el m7lat el 3rabeeh bt7si 7alek bwast el balad B amman :D 3aj2a w 2aymi w syarat w bastat w " a7mar ya bateeeeee'7" hehehe

غير معرف يقول...

[url=http://www.23planet.com]casino[/url], also known as settled casinos or Internet casinos, are online versions of chronic ("confrere and mortar") casinos. Online casinos approve gamblers to assess as ingredient in and wager on casino games with the grant-money the Internet.
Online casinos superficially speculation on the securities exchange odds and payback percentages that are comparable to land-based casinos. Some online casinos denominate higher payback percentages with a happening amusement gismo games, and some fall upon known payout infect audits on their websites. Assuming that the online casino is using an correctly programmed unspecific consolidate up generator, jot games like blackjack clothed an established barrier edge. The payout shard on account of regardless of these games are established nigh unto to the rules of the game.
Numerous online casinos let out thoroughly or induce happen their software from companies like Microgaming, Realtime Gaming, Playtech, Worldwide Develop Technology and CryptoLogic Inc.