الثلاثاء، 28 يوليو 2009

انا والبلاك بري

يقطع البلاك بري واللي اخترعه
من فترة باحكي مع زوجي وباحكيله شو حابب تاكل على الغدا طبعا كالعاده عينيه في البلاك بري بيشوف الايميل اللي اجاه اي شيئ حبيبتي فاعملت اللي الله اقدرني عليه بعدين اجا وشاف الاكل انا ما بدي آكل اكل ثقيل على الغدا لانه بنيمني باطلع فيه وباسأل في حالي شو اعمل في هالبني آدم !!
حكيت طيب مش سألتك شو بدك تاكل حكيت اللي باعمله وما أبديت اي نوع من المعارضه
W ell I was busy sending email on my BLACK BERRY
نعم طيب وانا شو بيعرفني انه اجاباتك ما تتحاسب عليها وانت في ايدك البلاك بري واللي هو دايما معاك تحكي متزوج انت البلاك بري !!!
حبيتي لازم تعرفي انه لما بكون ابعت ايميل ما بكون مركز !!
والله طيب حبيبي وانا قاعده باسأل فيك شو بدك تاكل ما بكون مركزه لانه بكون قاعده اطلع على زوجي اللي حامل البلاك بري !!!
حدا فهمني هلا كل الستات اللي عند ازواجهم بلاك بري متلي يعني قاعد ع الاكل ما بتشوف اللي طاله من جيبته وواطله فيه من تحت الطاوله لانه بيعرف انا بتضايق ولما تحكي اله لايش جايبه معك ع الاكل بيحكي باستنى ايميل مهم وهاد دايما تقول متزوجه اوباما !!
لا والادهى لما يكون سايق السياره ويسمع رجة البلاك بري وبيبلش يقرأ الايميل وهو يسوق وبتصير تحكي وبعدين فشي اوقات خاصه عند هالبني آدم

هناك 8 تعليقات:

غير معرف يقول...

loooooool سوزان
لما قرأت العنوان بالاول فكرت البلاك بري شي اكيه
;)

يمكن زوجك كتير مهووس بشغلة والاشياء اللي بعملها منشان هيك متعلق فيه للبلاك بري

او انه شاريه جديد ولسى ما مل منه .... يمكن يجي يوم وتلاقية مع عبود بلعب فيه :)

بعدين انتي غيرانه منه لبلاك بري ;) صح

غير معرف يقول...

في الصباح أرسلي له ايميل واسأليه شو بدك تتغدى. هيك بتضمني انه يكون مركز بالاجابه لأنه سوف يقرأ ايميلك ، واذا ما عجبو الأكل فرجيه الاميل الي ارسله عشان ما يكون اله حجه :-)

Whisper يقول...

هههههههه عجبني رد Jaraad
بس جد فكره, جربيها و ازا ما زبطت عالاقل بنتبه للموضوع قديش بضايقك :)

الله يعينك, مرة اخوي بتعاني من نفس الشي مع اخوي, عموضوع النت والايميلات و كيف طول نهاره عالنت يا عالموبايل يا عاللاب توب
الله يعينكم

Maioush يقول...

LOOOOOOOL! join the club my dear :D

sozan يقول...

اهلين ننوسه
طبعا غيرانه انت مش عارفه هالبلاك بري لما يبطل يستقبل الايميلات باتصير عند زوجي ميتم ومش عارف يقعد
البلاك بيري اله 2 سنه والاحلى انه لما استلم الشغل الجديد سلموه واحد تاني يعني هلا صرت ب2

sozan يقول...

اهلين jaraad
ما انا احيانا باحكي مع زوجي اذا بدي شي ضروري ع الماسنجر شو اعمل هلا شكله كل نقاشاتنا بدها تصير ع الكمبيوتر او البلاك بري

sozan يقول...

اهلين ويسبر
بالك انا بدي اسس جمعيه ضد المضطهدات من الازواج اللي ع الانترنت او البلاك بري خبريها لمرة اخوكي يلا والعضويه ببلاش :) والله يمكن انت تنضمي لما ان شاء الله تتأهلي مين عارف ما هو هاد المرض صاير منتشر اكتر من انفلونزا الخنازير

sozan يقول...

اهلين ميوش
هاد الحال من بعضه مبين :)