مش عارفه انام ومش عارفه افكر صح بتقلب على التخت ومش عارفه ليش النوم زعلان مني على الرغم من التعب اللي انا فيه وافكار رايحيه وجايه وبحاول ابعدها عني واستغفر ربي الا انها بتضل تزن في راسي
شغلة ان ابو زوجي بده مني امشي بزيجة ابنه وانا عندي استعداد ارمي حالي تحت السياره ولا احط خطايا في رقبتي وخاصه انه ييجي عقابي مع بنتي طبعا زوجي بيفكر انه اخوه مش لازم يتزوج من بره لانه فيه بنات هون وهنه كتار لكن ما بيعرف انه اخوه ما حدا قبلان فيه لانه ما اله مستقبل ومش حابب يحكي لوالده اي شي عن رفضي للمساعده وتارك ابوه يضل يطلب
الامر الثاني علاقتي مع امي شاغله بالي خاصه انه في هاي الايام الوالده مش كتير متعاونه مع وضعي ولما بتحكي معي زي كانها مغصوبه لكن يمكن الايام تصلح الشي اللي خربه البشر
الامر الثالث هو انه فعلا متضايقه من جار الغفله اللي الله لا يوفقه واللي لاحظته على حالي اني كتير متضايقه لما باحكي مع الناس وما يصدق لما بيسألوني عن البيت وببلش
الامر الرابع هو علاقتي مع زوجي حاسه حالي صايره مش صبورة ومش متحمله اي شي منه وعندي روح استهزاء بكل شي بيعمله وما بيهمني كلامه وهو يحكي عن شغله وانا عارفه انه هاد الشي ممكن اثر بس مش بايدي مليت
حاسه انه وزني ارتفع شوي ما انا هيك لما بيرتفع نسبة الضغوطات بيزيد اكلي للاشياء الضاره متل ما تحكي بعاقب حالي بس ع شو مش عارفه
مش عارفه ليش بلوم حالي كتير ع شغلات صارت يمكن لانه باعتبر نفسي مسؤوله عن القرارات اللي ما الي ذنب اذا اخذت منحني غلط بس كتير بلوم حالي واللوم تعابني مش مخليني انام
تعبت من استهتار زوجي وتعبت من مطالبات الناس اللي حولي باني اصبر وتعبت من الناس اللي مش عارفه تفهم انه انا انسانه والي قدره وما رح اضمن صبري لفتره طويله
وبكفي يا راسي زن
هناك تعليقان (2):
حبيبتي سوزان
بعرف ان الموضوع مش بايدك بس لازم تلاقي حل لان هاي صحتك وفي ناس كتير بعتمدو عليكي
بالنسبه لاخو زوجك فزي ما حكيتي بتخافي ربنا يعاقبك ببنتك لا سمح الله وهاي امانه :$
كل عيلهى بتمر بفتره ازمه بالعلاقات والمشاعر و بتختلف هالفتره من ناس لناس ولكن بالاخر الا ما تتقرب وجهات النظر, ما تدايقي من خالتو لانها هي اكيد مضغوطه وبتحاول تلاقي الخلاص عندك, صبريها واصبري والله بفرجها عالجميع
جار الرضا الله يعينكم عليه...هاد لحاله مصيبه و وجع راس, الله يخلصكم منه عن قريب يا يرحل يا يرحل :)
بدك نصيحتي...اكسبي زوجك و اولادك و افرضي السعاده عالبيت و بتكونوما بدكم اشي من كل اللي حواليكم
و اعتبري كل اللي بتعمليه جهاد في سبيل الله
بعرف ان كل اللي حكيته موجود عندك وبتعرفيه و بتحاولي تطبقيه بس مش عارفه من وين تبدي :$
ربنا يعينك و يصبرك و يفرجها عليكي :)
بتعرفي بحاول ولكن شو اعمل في الافكار اللي بتضلها تؤرقني الله يعين ويفرجها على عباده
إرسال تعليق