السبت، 9 أبريل، 2011

عبوده وكوكب الاردن !!

في الامس وبعد الانتهاء من وجبه العشاء في احد المطاعم التي افضل وفي السيارة كان هناك حديث بيني وبين اطفالي وزوجي وكان حول حماية الارض من التلوث الا ان وكالعاده ابني عبوده السائر على مثل خالف تعرف !! صارت هذه المحادثه بينه وبيني وابيه 


عبوده :بابا احنا لازم نحفر الارض 


ابو عبوده :ليش!!!!


عبوده :لانه متعه 


ابو عبوده :اصلا ما راح تقدر تنبش الارض كلها 


انا :شوي شوي طيب عبوده اذا انت حفرت الارض كلها وين بدك تعيش !!


عبوده : ممممممم انا باعرف في الاردن !!


انا :في الاردن شو تقصد !


عبوده: ماما هو الاردن مش كوكب تاني غير الارض !


انا ومليون علامة استفهام طايره من مخي:نعم لا والله يا ماما الاردن بلد مثل امريكا وموجوده على كوكب الارض 


عبوده :اووووووووووووف والله اني فكرتها في الفضاء ولما كنت تحكي انه بدك تسافري كنت مفكر حالي بدي اركب مركبة فضاء 


انا : لا والله يا ماما رح تشوف ناس خضر بيحكولك اهلا في كوكب الاردن !!


عبوده :Awesome !!!!!


ابوه وانا قعدنا فتره واحنا نتطلع في بعض ...ابو عبوده حكى في النهايه لازمهم سفره على كوكب الاردن ليعرفوا انه هالكوكب يبعد عنا عرض المحيط الاطلسي !

هناك 10 تعليقات:

yosef يقول...

مساء الخير

سيبك من الحكي الفاضي

والله معه حق

فنحن نعيش في كوكب اخر

وان شاء الله بيجي بيزور الاردن يوما

وبيشوف الحقيقة

الله يخليلك اياه

واضح انه هو الفهمان فينا !!!

sozan يقول...

اهلين استاذ يوسف:)
ان شاء الله بيزور الاردن وبيشوفها :)
الله يخليك يا رب ويخليلك احبابك يا رب :)

Whisper يقول...

هههههههههههه عجبني خضر ....وفي منّا كروهات كمان :)
الله يخليلك اياهم يا رب وان شاء الله بنشوفكم على كوكب الاردن عن قريب :)

sozan يقول...

ما هو بيحكي انه كوكب تاني فكملت انا الحكايه بالخضر !
ان شاء الله يا رب :)

Haitham هيثم Al-Sheeshany الشيشاني يقول...

و الله عالعبودة معاه حق!

:))))))

الأردن غير شكل / غير مجرّة أصلا ً

w7l يقول...

انت كلكم غلط و عبود صح ، بس انت مش فاهمين الولد !

الاردن غير ! احنا عايشين بكوكب و الناس الثانية عايشة بكوكب ثاني

Hana يقول...

هههههههههههه
ما الزوا .. بس هو صح كوكبكم غير عن كوكبنا :P

sozan يقول...

اهلين هيثم:)
والله انك ضحكتني كمان مجره على هيك مش راح يقدر يسافر الها بالمركبه الفضائيه

sozan يقول...

اهلين دكتور:)
والله ما انا عارفه بشو ارد!!من الممكن تكون من الناحيه التفكيريه لكن مش من الناحيه العلميه!!

sozan يقول...

اهلين هنا :)
هلا كوكبنا وكوكبكم لا والله يا هنا التخلف والناس الرجعيه بتلاقيها في كل مكان بس بتلاقي قوانين تحمي حق الطرفين مش بتضل طرف ع الآخر