منذ يومين حدث معي موقف دعاني افكر فيما اكتب واقرأ حتى لو كان من باب المزاح!منذ يومين كنت اعمل في حديقة بيتي واعمل على تجهيزها للربيع انا وابني عبوده المرافق الشخصي لي في كل الاحداث والاعمال !
وفي لحظات انتبهت انني بحاجه ان استعد لايصال عبوده للمدرسه وفي عجله عبوده تناول الغداء واستعد ليومه في المدرسه وتوجهنا نحو موقف الباص الا انني نسيت ان آخذ معي نقود كافيه للباص فقررنا المشي طبعا على مضض لابني لان المسافه بعيده بالنسبه له !
ومشينا واستمتعت في المشي مع ابني عبوده لانه ولسبب ما يذكرني في حكيم الاقزام:)
ومن بين المواضيع التي ناقشناها كانت تلك المناقشه
عبوده :ماما ليش في حروب في العالم والناس تضرب بعضها ؟(بيحكي عن فيديو لاحداث دوار الداخليه)
انا : والله يا ماما ما باعرف ؟انت فكرك ليش الناس تتضارب وممكن تؤذي بعضها !
عبوده :بتعرفي ماما المشكله من الكبار !!
انا :هممم شو تقصد
عبوده :ماما الكبار ما بيعرفوا يقعدوا مع بعض ويتفاهموا وشاطرين بس على الصغار ..
انا: (مش عارفه شو احكي) :والله ممكن يا عبوده
عبوده :بتعرفي ماما لازم انه الكبار يخلوا الصغار يحكموا البلاد ....تعرفي اذا انا حكمت البلاد كل واحد بيضرب التاني رح اخليه ياخذ Time out!
انا :وكيف بدك تعطيهم Time out
عبوده :ماما بخلي الشرطي ياخذهم ويحكيلهم اقعد ودير وجهك للحيط وعد للميه ويفكر في الشي اللي عمله وبعدين ييجي ويحكي شو الغلط اللي عمله !
فجأة ومن دون اي مقدمات يطلع كلب بوليسي بحجم عجل ويبلش يعوي علي وعلى عبوده لانه وبالخطأ دعسنا على حشيش دار المالك وصاحبتكم صارت تحكي كل لغات العالم في جمله واحده ما حدا يسألني كيف لانها صارت !!
وطبعا بعد ما ابعدنا عن المكان عبوده بيحكي ماما هاد الكلب مش ابن ناس !!
لما صار هذا الموقف معي تذكرت اني ضحكت على هيثم وعندها حكيت هاي خطيت هيثم ما كان لازم اضحك على خوفته الله بعت لي خوفه العن منها !!والله انه رجلي لهلا بوجعوني من قوة الخوفه اللي اكلتها!
هناك 10 تعليقات:
ميهاهاهاههاهااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
يمهل و لا يهمل :]]]]
---
أنا حزنان على عبودة بس، لوول
----
متوقعة أكون sympathetic مثلا ً
لااااااااااااااااا
أبدا ً
:]
-------
صورة حكيم جد حلوة ... حكيم الأقزام ،،، في بلاد الأيام ...
:)
---
لازم تبعثي كعك بالبريد المستعجل وإلا بيطلعلك -لحالك- واحد من الغيلان :P
حزنان على عبوده!!
اللهم اني صايمه هممممممم مش رمضان طيب الله بسامحك يلا بلقي بكره تطلعلك بسه تخوفك اضحك زي ما بدك!!
أه حكيم ايام كنا نحضره ولما تحول لشجره فكرنا انه اللي بموت بتحول لشجره اطفال :)
ابعت كعك وبالبريد السمتعجل طيب الShippingعلى مين يا خوي ببعت ولا يهمك وباكتب انه عليك :)))))))))
الشحن و التأمين و كله على ويسبر طبعا ً .. و دي عايزة سؤال :)
----
ادعييييييييلنا يا صايمة :)
آه على ويسبر طيب اذا هيك مش مشكله :)
المسكينه ولا معها خبر هلا متورطه!
Mashallah, he is cute and wise. Allah y5aleelik yah :)
الله يخليكي يا رب ويخيليلك اولادك :)
الف الحمد لله على السلامه يا قمر الك و لعبود حكيمنا الزغنون
بنحكي لهيثم صفي النيه ما برد...هي بعيد الشر اليوم كان ابصر شو صار فيه بعد ما نسي ياخد الدوا :$
الله يسلمك يارب :)
حرااااااااام والله هاي خطيته لاني ضحكت عليه لما حكى عن خوفاته !!
الله يحميه ما حكيت لاله انه يدير باله ع حاله بعدين من وين نجيب آخ مدون :)
ويسبر : اللا شكرا ً و هع
سوزان: تشكرات :)
العفو:))))))))
إرسال تعليق