الأربعاء، 13 أبريل 2011

Lulu and the American girl doll!

من يومين جاءت لولو من المدرسه تطالب بلعبه تسمى American girl doll طبعا اللعبه هاي عباره عن ثقافه لحالها يعني ما تتوقف عند شراء اللعبه فقط وانما تتطور نحو ان اللعبه من الممكن ان تأخذها الطفله الى المحل وتحصل على قصة شعر وتكون مشابه لقصه الشعر الطفله كما انهم يبيعون ملابس للطفله واللعبه وولها محل كامل لشراء الاكسسوارات والملابس وما لزمه واذا تمسكت الطفله بالثقافه وهذا بناء على الكثير من المعلومات التي وصلتني من صديقاتي لن استطيع التحكم بطلبات بنتي خاصه وان كل سنه هناك شيء جديد!!


ع العموم جاءت الست لولو وبدها اللعبه طبعا هون ابولولو حكى لا وصار يحكي ويزيد طبعا البنت في وجهها علامة حزن ما هو زلمه زلمه  يا حبيبي واول كلمه دايما لا هو بيعرف يحكي بهداوه !!


دخلت على الخط لما شفت تخابيص زوجي وحكيت لولو ماما انت ليش بدك اللعبه !!


وهون لولو حكت بدي لعبه مشط شعرها ووالبسها خواتم واساور والعب فيها !حكيتلها بتعرفي ماما انا شفت لعبه في محل الالعاب وهي عبارة بس عن راس اللعبه مثبت على قاعده ومعاها مشط وسشوار واغراض اوكسسوارات بتحبي اجيبلك هاي !!


البنت وبابتسامه حكت آه ماما بدي وحده حكيت الها ان شاء الله بس نروح ع المحل نشتريها ....طبعا لولو هون ما سكتت لابوها واجت عليه وباصبعها اللي عامل متل البوبو الخيار وحكت بابا لو سمحت تاني مره لا تدخل في اشياء البنات لانك وللاسف ما بتعرف فيها !
طبعا زوجي مخبي ضحكته وبيحكي للولو والله يا ست لولو من وين بدك تشتري اللعبه !!


حكت اله ماما رح تشتريها


حكالها وامك من وين بدها تجيب لتشتريها


حكتله من البطاقه

وحكالها والبطاقه مين بده يحط الفلوس فيها


حكت اله البنك

حكالها من وين بده يجيب البنك الفلوس


 حكت بابا حكالها نعم حكت هلا البنك في فلوس كثير ومن هناك بنجيب الفلوس !!


زوجي هز راسه على هيك مش لازم اشتغل!


 لولو حكت لالا لا لازم تشتغل لانه من وين بدي اشتري اللعبه !!


وضحكت لولو على ابوها وصار لازم نروح نجيب اللعبه بلاش تعمل ثورة اسقاط الوالدين لانه ببصم بالميه انها راح تنجح في اسقاطنا !!

هناك 6 تعليقات:

Whisper يقول...

الاباء بالعاده ما عندهم طولة بال و طرق اقناع, قرار فوري بدون مراجعه :$

و برضه بالعاده الام اللي بتصلح الاوضاع, بس ليش الحكي مقنعه لولو حبيبتي :)

بحب بس يكونو الصغار واعيين بزياده لانه بالزمن هاد لازم يكونو هيك

الله يخليلكم اياها هي و عبود

sozan يقول...

والله ما عندهم طولة بال بالمره اسأليني!!
مهما كانوا واعيين في شغلات اي طفل بيحبها يعني بيني وبينك اللعبه هاي وفكرتها انا حبيتها فمابالك طفله صغيره بس المشكله انها كسره بمعنى الكلمه
اللهم يا رب
يا رب يخليلك كل حبايبك يا رب:)

w7l يقول...

نفس الديباجة دائماً ! المصاري و البنك !!

الله يخليلك إياها

sozan يقول...

ههههههههه :)
الديباجه ديباجه شو!!
ويخليك يا رب

sheeshany يقول...

استدلال و تفكير منطقي متسلسل و إصرار على الهدف و طموح بالإضافة لمهارات إقناع

درس متكامل ما شاء الله :))))))))))

sozan يقول...

هي متل ابوها هاي صفه موجوده كتير في ابوها البنات عموما وبطريقه هم ما بلاحظوها بياخذوا من ابوهم كتير!!