الجمعة، 4 مارس 2011

التوبه عمري ما بعيدها !

في محاوله مني للتخفيف عن حمل العبء النفسي الذي احمل قررت ان اشتري شي بيحكوله هون Puzzle 3Dوطبعا يا حلوين كانت لسفينه حربيه تحتوي ما يقارب 200 قطعه صغيره طبعا الغلطه اللي ارتكبتها اني حكيت لابني عبوده انها الها بس اخلصها طبعا وعينوكم ما تشوف النور على اللي حصل! الافندي يصحى وينام يحكي Are you done!!yeah right
انا طبعا استمتعت في عملها على الرغم من حالة الزن المستمره من قبل ابني المحترم اللي كان اسمه يساعدني طبعا احكي ربنا الله بنى كل الطيارات الموجوده على السفينه بس من هالنوبه باحكي توبه !
هون طبعا لما خلصتها كانت فرحة عبوده لا توصف وجاب كل جنوده الصغار اللي بيلعب فيهم كما لو انه بيلعب شطرنج طبعا بحكم انه بعمره ما شاف شي عن حرب !

طبعا احتجت اني الصق بعض القطع الصغيره لانها بضل توقع !

هون بعد ما خلصت البناء وفضيت من كل القطع

هناك 6 تعليقات:

sheeshany يقول...

و لا يمكن أقدر أكمل!

ال puzzle العادية و يا اللا

:)))

Whisper يقول...

الله يعطيكي العافيه...الي اخ بحب هالاشياءات
انا مش دايما, اذا حابه الموضوع بعملها ولكن اذا في زن و حكي بتفرفط روحي و بتركها :$

بهنيكي على طولة بالك

sozan يقول...

اهلين هيثم
والله يا ابن عمي سويتها هي بطلوع الروح خاصه مع الزن بس زبطت

sozan يقول...

الله يسعدك ويسبورة :)
انا طويلة بال ونفس وحياتك وعلى الرغم من هيك ابني في بعض الحالات نجح في نجنيني
هي وسيله حتى اعيد شحن مخي:)

Dreamy Villager يقول...

سلام :)
أنا واخواني منحب هاس السوالف..بس آخر مرة راحوا اشتروا لعبة من 1000 قطعة لصورة "سماء وبحر"..هبايل ؛)
طبعا ما حدا كملها وبعرفش وين صارت...فأنا والله بحب أهنيك على جهودك..حفزتيني أدور على العبة اللي عنا.

sozan يقول...

هي ممتعه ولكن نصيحه اني بدك تعملي شي قريب من هالشي اعمليه لحالك لانه فيه شحن للدماغ ومريحه الي نفسيا !
اهلا وسهلا والعوده تكون احمدو:) we are waiting for new post!