الأربعاء، 23 مارس 2011

عيد ميلاد سعيد ويسبر

بما انه ويسبر تتذكر مناسبات الكل فكرت انا ولولو نعمل حفلة عيد ميلاد بلوجريه فهاي هي الكيكه مني ومن لولو وعيد ميلاد سعبد والعمر كله ان شاء الله طبعا لولو اختارت الصورة وحكت بما انها بنت فلازم تكون وردي انا صابني صرعه من الوردي !!
وهاي اغنية برضو الك :)


هناك 23 تعليقًا:

UmmOmar يقول...

ييييييييييييييييييييي


كل ثنه وإنتي ثالمه يا حلوه يا ويثبره

بكرهك من كل قلبي يا عثل
:hug:

sozan يقول...

هههههههه
والله يا ام عمر بكرت 3 ايام من عيد ميلادها بس يلا لانه يمكن هي كمان بدها تحتفل وبعدين كل واحد يجيب حلوة معه !

UmmOmar يقول...

في كعك أفهم من هيك
بدناش قالب كيك
بدنا قالب كعك

لوووووووووووول

sozan يقول...

خلص ولا يهمك انا سمعت اني انت تعملي كعك زاكي :))))

Whisper يقول...

حبيبتيييييييييييييييي
الله يسعدك و يسعد قلب لولو زي ما فرحتو قلبي...يسلمووووووووو يا ذوق يسلمو كتير كتير


انا بموووت بالوردي :)

وانتو بالف خير يا رب

ام عمر....انا اكتر يا قمر.... القلوب عند بعضها ;)

ياااااي كتير مبسوطه زي الصغار :)
مفاجأه صح

sozan يقول...

انا مبسوطه انك مبسوطه :)
لا تحكي الي من شان الله من الوردي انا كنت احبه لكن بنتي مرضتني كل شي وردي حتى باب الغرفه!!
الله يسعدك يا رب ويجعلها بدايه للافراح وتحقيق النجاحات

Saleh يقول...

اسمعت إنكو بتوزعوا كعك هون، وين حصتي؟

كل عام و أنت بخير ويسبر هانم.

Whisper يقول...

سوزان

امين يا رب...ربنا يديم الفرحه بقلوبنا كلنا و يهدّي بالنا

صالح

شكرا و انت بالف خير

الاحتفالات مستمره ل3 ايام ليوم العيد ميلاد الرسمي...كل الهدايا والكعك عصحاب المفاجأه و المعازيم :)

sozan يقول...

أهلين صالح :)
هلا انا مش اختصاص كعك هاد اختصاص ام عمر انا على الكيكه والاغنيه !

sozan يقول...

عجبتني كلمة الاحتفالات مستمره 3 ايام ليوم عيد الميلاد الرسمي :)
ما انا حكيت حفله بلوجريه ورح نعمل احلى حفله لويسبر في 26 مارس واهلا وسهلا بالحاضرين !

LUNAR. يقول...

لو حكيتيلنا يا ويسبر , عشان نجيب هدية

كل عام وانتي بخير يا رب

وتقبلي مروري سوزان

sozan يقول...

اهلا وسهلا لونار بتشرفي:)
هلا الهدايا على النص يعني انا تعبت وعملت الحفله:)

naysan يقول...

صباح الخير
بيطلعلها ويسبر 3 ايام احتفالات
كل عام وانتي بخير نانا...اليوم وبكره وبعده وكل يوم ان شاء الله

وشكرا لك سوزان...وشكرا ل لولو الصغيره:)

UmmOmar يقول...

ماشي إتبدست بالكعك والله جبر

اللي حابب ياكل كعك,, يبعتلي مايقارب 170$ ع حسابي البنكي وبعملله أحلى كيلو كعك مفتخر كمان

سامع عمو صال صال وعمتى ويسبر ؟؟؟

UmmOmar يقول...

بي إس,, لونار شب مش بنت

لووووووووووووول,, شو حكيت هالكلمه, ,حاسه حالي صايره محاميه دفاع

sozan يقول...

ام عمر الله يسعدك شكرا على التوضيح :)
آسفه لونار لا تآخذني العتب ع شو والله ماانا لاقيه اي عتب:)
هلا الكعك 170 $ والله كتير ياام عمر من هون لهون يعني من شان حبيبتك ويسبر:)

Haitham هيثم Al-Sheeshany الشيشاني يقول...

ما دام ال"إرهابية" البلوغريّة هين فما بدي إشي من الكعك أنا!

يوم ميلاد سعيد لويسبر :)

و الشكر لسوزان على اللفتة الحلوة :)

---

تصدقي يا سوزان إنو ال
verification word is

"wisher"
:)

قريبة من
whisper

----
lol

sozan يقول...

ههههههههههه ضحكتني :)
تعال جاي صحيح الكعك على ام عمر بس انت عليك تجيب كل منتوجات الشوكولاته اللي حاطت صورها على البلوج يعني هاي حبيبتنا ويسبر (هنا الي بس يلا باسم ويسبر انا بدي ادير بالي ع صحتها يعني!)

w7l يقول...

أنا ليش مش متابع لهاي المدونة؟! اه؟ ليش ؟ جاوبي؟ ليش؟

المهم ، انا شميت ريحت كعك طالعة أجيت على السريع! انا ما دخلني ام عمر الفسادة حكت لحق حالك قبل ما يروح الكعك ، لانه الكعكه صارلها يومين على الموقع يمكن عفنت!

sozan يقول...

اهلا وسهلا فيك و شرفتنا اما انك مش متابع للمدونه فهاي يا ابن عمي مشكلتك:)
خليني اروح ع الثلاجه واشوف يعني زي ما انت شايف الناس اجو ويعني الكيكه يا دوب كفت بس الك وعد مني اللا اعملك حفله بلوجريه بمناسبه قدومك على المدونه ولا يهمك واحط صورة احلى كيكه اتفقنا !!

UmmOmar يقول...

سوزي باشا,, فش إشي من واجبك

بس نصيحه من هلأ لا ترخي ذانك ل عمو الفساد,, تراه بيوقع الواحد مع حاله ,, وبحب يشوف حروب إلكترونيه عشان إيلم مصاري من الدكاتره أخر الحلقه


دكتورنا,, فش كعك, روح خد من عمو الفساااااااااااااااد


عمو الفسااااد,, إرهابيه ف عينك,, بكرررررررررررررهك

Haitham هيثم Al-Sheeshany الشيشاني يقول...

سوزان: أنا بجيب "بعض" الشوكولاطة بس بحب أنوّه إني اتبهدلت ببيتك! هاااااي عليها حق! صح؟ بغض النظر إني حكيت صح و اللا غلط بس أني اتبهدلت يا جدعاااااااااااااااان

و الباقي عندك

:]

sozan يقول...

والله العظيم اني عامله متل الاطرش في الزفه بينك وبين ام عمر ...معلش حبه حبه علي اصلي ما بجمعش :)
هلا ما في خلاف بين البلوجرز يعني بينا خبز وملح بلوجري -عجبتني هاي - فخلص يعني يا ابن عمي لا بهدله ولا شي!
الله يسعدك يا ام عمر الله يحفظ شانك يا حبيبتي :)