الأربعاء، 9 مارس، 2011

طبختنا محروقه!


كنت كتبت مره منذ فتره مقالا بعنوان احذري من هذا الرجل واليوم اريد ان اكتب احذري من هذا الزوج!!
زوج امام اللاتوب وبعيونه الاربع على الشاشه وفاقد للحواس الخمسه !
هاد يا عزيزاتي المتزوجات او المقبلات على الزواج واللي مش متزوجات حتى تتحضروا نفسيا للبلاوي من يومين كنت اطبخ كبسه وحطيت كل شي على النار واعتمدت على فكره انه زوجي موجود في المطبخ بيشتغل ورحت اصلي والله كلها خمس دقايق ويا حبيبي منيح ما ولع البيت كنت ناسيه حاطه الطنجره على العالي وطبعا ريحة الدخنه والبلاوي وزوجي بعيونه الاربعه على الشاشه ما بيرمش وطبعا عينيه مدمعه ولا انه فكر يرفع راسي ويسأل عن السبب !!وانحرقت الطبخه واضطريت اطبخها من اول وجديد !
والحدث الثاني
خلصنا العشاء ونظفت المطبخ وحطيت كل شي في الجلايه وطبعا الجلايه من زمان سيدنا نوح ويمكن اكبر وطلعت ارد على التلفون وكمان كان زوجي في المطبخ وعينيه على اللاب توب!! صار شي بالجلايه ودخنت وانا على التلفون مع اخت زوجي باحكي الها في ريحة حريقه بلاستيك طبعا لفيت البيت كله وانا ادور على الريحه وفي الاخير انتبهت على الدخنه طالعه من المطبخ وزوجي في المطبخ والدخان مشموم ريحته ومضبب المطبخ باطلع فيه وبأسأله انت مش شامم ولا شايف بيحكي الي وبكل برودة اعصاب انا مشغول ولما بكون مشغول مخي بركز على شي واحد بس !!
حسيت حالي رح ارتكب جريمه من هداك اليوم تم تحريم دخول اللاب توب للمطبخ لما يشكله من حالة تسكير للحواس الخمسه لدى زوجي
هاد اول القوانين اللي لازم حطها على باب المطبخ ممنوع دخول اللاب توب الا لاستعمالات مطبخيه!!!!

هناك 4 تعليقات:

Whisper يقول...

اشي لازم كانا نحطه ببالنا....الرجال ما بقدرو يركزو باكثر من شيء واحد في نفس الوقت
اذا كان الرجل بستخدم التلفزيون اوالموبايل او الانترنت فأنسي موضوعه تماما اعتبريه برّه البيت :)

بتفكريهم زينا يا سوزان...بنحكي تلفون و بنطبخ - اسمي صرت اطبخ :) - و بنفرم سلطه و بنكوي و بنحل الواجب مع الصغار و بنتابع مسلسل و... كله بنفس الوقت :)

sozan يقول...

شايفه يا ويسبر وبعدين بيجو يحكوا انتوا شو تعملوا :)
كنا رح ننحرق باسم انه انا مركز!!

Haitham هيثم Al-Sheeshany الشيشاني يقول...

أنا أعترض!

إحنا بنقدر نركز بأكثر من شيء بوقت واحد!
بنقدر نسمع الصوت من التلفزيون و نشوف المناظر + نشم ريحة الطبيخ "غير المحروق"

همممممممممممم ... مش زابطة شكلو ... بس برضه أعترض و خلص :]

sozan يقول...

اعتراض من اجل الاعتراض همممممممممم شكلك بتحكي زي حدا باعرفه !!!!!!!!!
لا مش زابطه تعرف ليشششششششششش لانه جد تتعطل كل الحواس مع حاسه الكمبيوتر !!
اهلا وسهلا فيك :)