الأحد، 6 مارس 2011

Fire dish



في محاولات مني من الهرب من الروتين قررت اختراع طبخه !!يعني دير بالك هون اختراع فقررت اني اجيب 2 صدور الدجاجه من الفريزير وجبت صوص بيحكولها Picante sauce وكانت هالصوص ياحافظين السلامه مثل القنبله الحارقه يعني مش عارفه شو كنت مفكر حالي لما شريتها !!
المهم وجبت 1 كوب من الفاصولياء السوداء ونص كوب من الفليفله ونص بصله صغيره و2 سن ثوم مهروس وجبنا الطنجره وحطينا زيت القلي والبصل ليذبل ومن ثم اضفت الثومه ومن بعدها حطينا الدجاج اللي قطعناه الى مكعبات صغيره وقليناهم جميعا ومن ثم اضفت الفليفله وفلفل اسود يعني شوف الفلاحه فوق الصوص ولعه رحت حطيت زياده فلفل اسود!وقليناهم لذبلوا وبعدين جبت الصوص وديرتها كلها ومن دون تردد وطبعا طبخناهم كلهم مع بعض وعملت جنبها رز ابيض وطبعا احتياط عملت للاولاد دجاج مقلي ومعكرونه!طبعا انا بحثت عن اسم للاكل وخاصه انها عجبت زوجي لكن حكى انصحي كل واحده او واحد بدهم يعملوها انهم حط جنيه دواء للحموضه !لذلك اعلن انا سوزان اني اسمي الطبخه المخترعه Fire dish وبهيك هذا الطبق ممكن استخدامه ضد القذافي واي ظالم في العالم لانه من وجه زوجي وهو بياكل كان قاعد بيعيط ويشرب مي لكن في النهايه حكى زاكي واكل نصه!صحتين وعافيه

هناك 8 تعليقات:

Unknown يقول...

شكلها طيبه:))
انا من محبين الحار بس مش الحريقه !!

sheeshany يقول...

أنا ما بيواتيني الحار أبدا ً بس اللي ببلاش كثر منه

:]]]]]

جعفر حجير يقول...

أنا بحب الحار جدا.. بس لو ما حطيتي فاصوليا سوداء

sozan يقول...

اهلا وسهلا يا ميسو زمان يا قمر:)
انا باكل حار لكن المشكله مع الصوص كان مكتوب عليها Hot والفالحه اللي هي انا ما انتبهت انه حار معناته حريقه لانه درجات ....يلا المره الجايه
لا تحرمينا من طلتك!

sozan يقول...

اهلين هيثم :)
اها ببلاش قصدك عزومه ...جيبتي صابها مغص :)
على حسابك واالله انت عملها واحكي لي كيف طعمها :)

sozan يقول...

اهلين جعفر :)
انا بحب الفاصولياء بس فيك تشيلها ما كل الطبخه تجربه واختراع الصوص زاكيه كتير وصحتين وعافيه:)

Whisper يقول...

انا مش صحبه مع الحار ولا باي درجاته
فاااااااااااا احسبي حسابي مع الاطافيل :)

يسلمو ايديكي وعينيكي :)

sozan يقول...

اهلين ويسبر :)
لا ما بتحبي الحار هاي الصوص فيها الحلو كمان والوسط بس اختك بالله ما هدت الا ع الحار وكانت حريقه
الله يسلمك يا رب:)